Saint Joseph/is

Draumur heilags Jósefs, Philippe de Champaigne

Saint Germain endurfæddist sem heilagur Jósef, faðir Jesú og eiginmaður Maríu guðsmóður.

Í Nýja testamentinu

Fáar heimildir eru um heilagan Jósef í Nýja testamentinu. Biblían rekur ætterni hans aftur til Davíðs konungs. Þar er einnig sagt frá því hvernig engill Drottins varaði hann við í draumi um að Heródes hygðist drepa Jesú, en Jósef hlýddi viðvöruninni og fór með fjölskyldu sína til Egyptalands og sneri aftur eftir dauða Heródesar. Sagt er að Jósef hafi verið smiður og talið er að hann hafi látist áður en Jesús hóf opinbera þjónustu sína. Í kaþólskri hefð er heilagur Jósef virtur sem verndari alheimskirkjunnar og hátíð hans er haldin 19. mars.

Aðrar frásagnir

Samkvæmt apokrýfu guðspjalli Matteusar um fæðingu Maríu, þegar María varð giftingarhæf, kallaði æðstipresturinn alla ókvænta menn af ætt Davíðs til að færa staf sína að altarinu. Því að Drottinn hafði opinberað honum að „úr staf hvers sem er ... ætti blóm að springa út, og á toppi hans ætti andi Drottins að sitja í dúfulíki, hann ætti að vera maðurinn sem gefin skyldi meyjunni.“

Jósef, sem var orðinn hniginn að aldri, dró staf sinn til baka. Þegar ekkert merki birtist leitaði æðsti presturinn ráða hjá Guði, sem sagði að María skyldi trúlofuð manninum sem ekki hefði lagt fram staf sinn. Þegar Jósef færði staf sinn lenti dúfa á honum og samkvæmt öðrum frásögnum blómstraði hann með blómum og laufum.

Heilagur Jósef með Jesúbarninu, Guido Reni (1620)

Tilbeiðsla við heilagan Jósef

Dulspekingurinn Teresa frá Avila frá sextándu öld var mjög trúföst heilögum Jósef og valdi hann sem verndara reglna sinna. Hún skrifaði:

Ég man ekki eftir að hafa nokkurn tímann beðið hann um neitt sem hann hefur ekki veitt.... Með þessum dýrlega dýrlingi hef ég reynslu af því að hann svarar öllum þörfum okkar og að Drottinn vill að við skiljum að rétt eins og hann var undirgefinn heilögum Jósef á jörðinni — því frá því að hann bar titilinn faðir, var kennari Drottins, gat Jósef gefið barninu skipun — svo gerir Guð á himnum hvað sem hann býður.

Barnæska Krists, Gerard van Honthorst (um 1620)

Heilaga fjölskyldan

Í fyrirlestri sem flutt var 6. maí 1979 sagði að uppstigni meistarinn Jesús hefur borið vitni um að Jósef hafi kennt honum margt fleira en trésmíði:

: „Hann kenndi mér hina helgu iðju, alkemíu heilags anda, að breyta vatni í vín. Sannlega er ég sonur Jósefs, hins mesta alkemíumeistara sem uppi hefur verið. Og vissulega vitnar verk mitt um hagleik hans og blessaða náð móður minnar.“

Þar sem sögulegar heimildir skortir hafa uppstignu meistararnir öðru hverju veitt okkur innsýn í líf hinnar helgu fjölskyldu. Eina slíka sögu mælti María guðsmóðir um munn Marks Prophet árið 1968:

„Ég man morgun einn þegar Jesús var snáði að hann kom til mín með harða spýtu sem hann var að reyna að tálga. Hann vildi fá mig til að segja Jósef að skipta á henni fyrir aðra mýkri og meðfærilegri. Ég tók hann í kjöltu mína og sagði honum að það væri inbyggður eiginleiki trjáviðar að sum tré væru hörð í sér en önnur mýkri. Ég sagi honum að mjúki viðurinn yrði auðveld-lega fyrir hnjaski, og ef hann notaði mjúka viðinn myndi smámyndin sem hann vildi skera út ekki þola álagið sem viðurinn yrði fyrir síðar. Aftur á móti myndi útskurður úr harðviði endast betur.

Ég sagði honum einnig að viðurinn nyti góðs af mótun handa hans og að eini munurinn á mjúka og harða viðnum væri að sá harði reyndi meira á þolinmæði hans. Hann strauk aftur hárið sem hafði fallið fyrir augun og kyssti mig snöggt og blíðlega á báðar kinn-ar. Ég sá votta fyrir tári í öðru auganu þegar hann þaut upp til að halda áfram að skera út í harðviðinn.“

Í öðrum fyrirlestri sagði María guðsmóðir að heilagur Jósef hafi veitt Jesú „föðurlegt uppeldi og þar með markað stefnuna fyrir tímabil fiskamerkisins. Hin blessaða móðir sagði:

Megi allir þeir sem hafa í sér karlgeislann í þessu lífi minnast fordæmis Jósefs öll æviskeiðin sem hann lifði, og gera sér grein fyrir því að mikilleika sinn í Guði má móta eftir fyrirmynd Jósefs, sem verndaði konuna svo djarfmannlega og ól upp mannsbarnið, og kom ekki einungis fram sem verndari fjölskyldu sinnar heldur einnig verndari ákveðins landsvæðis á jörðu til þess að mannsbarnið gæti þroskast til kristsvitundar sinnar.“

Æska Drottins vors eftir John Rogers Herbert (1847)

Möttull heilags Jósefs

Saint Germain hefur sagt:

Já, ÉG ER heilagur Jósef og stíg fram í fullum mettli embættis míns sem verndari Maríu og allra mæðra og allra kvenna og allra barna á jörðinni. Og ég segi ykkur, ástkær, ég gegni því hlutverki. Eins og margir á jörðinni ákalla mig sem heilagan Jósef, þannig svara ég því nafni.

Þar sem ég veit hver ég er, get ég því verið kallaður hvaða nafni sem er, hvaða lykill sem er af hvaða nafni sem er úr hvaða fyrri endurholdgun sem er. Þannig hef ég sameinað þau í eitt og ákveðið að það nægi að þið ákallið mig einfaldlega sem hinn „heilaga bróður“, „Saint Germain“.

Sjá einnig

Saint Germain

Heimildir

Pearls of Wisdom, 1988, vol. 1, ch. 2.

Pearls of Wisdom, vol. 24, no. 68, June 1981, endnote 1.