Translations:Chart of Your Divine Self/6/is

Æðra sjálfi þínu, eða heilögu Krists-sjálfinu, er lýst í miðjumynd á Kortinu af guðlegu sjálfi þínu. Hið heilaga Krists-sjálf þitt er innri kennari þinn, verndari og kærasti vinur. Það er einnig rödd samviskunnar sem talar í hjarta þínu og sál. Það greinir á milli góðs og ills innra með þér og kennir þér að greina rétt frá röngu. Rétt fyrir ofan höfuð hins heilaga Krists-sjálfs er dúfa heilags anda sýnd stígur niður í blessun Guðs föður og móður.

Hvíta ljóssúlan sem gengur niður frá ÉG ER-nærverunni í gegnum hið heilaga Krists-sjálf til lægri myndarinnar á kortinu er kristalstrengur. Í Prédikaranum er þetta nefnt silfurstrengurinn (Pd 12.6). Í gegnum þennan „naflastreng“ flæðir útstreymi ljóss Guðs, lífs og vitundar. Þessi lífsstraumur gerir þér kleift að hugsa, kenna og finna til, rökræða, upplifa lífið og vaxa andlega.