Jóhannes skírari
Uppstigni meistarinn, „Jóhannes skírari“, átti sér tvö æviskeið sem eru skráð í Biblíunni: spámaðurinn „Elía“ í Gamla testamentinu og Jóhannes skírari í Nýja testamentinu. Jesús sjálfur lýsti því yfir að Jóhannes skírari væri Elía sem kom aftur.[1]
Elía og Elísa
Sagan af Elía frá Tisbe í Gíleað og lærisveini hans Elísa (fyrra líf Jesú) er skráð í Konungabókinni, þar sem uppstigningu Elía er lýst á þennan hátt: „þá kom allt í einu eldlegur vagn og eldlegir hestar og skildu þá að, og Elía fór til himins í stormviðri.“[2]
Eftir að Elísa varð vitni að uppstigningu kennara síns tók hann upp „möttul Elía sem féll af honum“ og sló vatnið í Jórdan. Þegar vatnið klofnaði og Elísa fór yfir sáu spámannasynirnir að andi Elía hvíldi yfir Elísa. Frá þeim tíma vann Elísa mörg kraftaverk, alkemískar umbreytingar, sem voru spádómleg um sigur anda hans yfir efninu á lokaæviskeiði hans sem Jesús. Frásagnir af því hvernig Elísa heilaði vatnið, margfaldaði olíu ekkjunnar, opnaði móðurkvið konunnar frá Súnem og reisti síðar son hennar upp frá dauðum, margfaldaði byggbrauðin og læknaði Naaman af holdsveiki eru skráðar í annarri Konungabók ásamt öðrum sýnikennslum á lögmálinu frá þessum „guðsmanni“.
Jóhannes skírari
Eftir uppstigningu sína fékk Elía þá næstum einstöku úthlutun sem gerði honum kleift að endurfæðast; og því kom hann aftur sem Jóhannes skírari til að „greiða veg Drottins“. Hann tók fúslega á sig holdlega mynd og leyfði Heródesi að fórna sér til að aðstoða lærisveinn sinn við að uppfylla köllun sína.
Samband Jesú og Jóhannesar skírara er saga mikillar hollustu, kærleika og virðingar – fallegt tilsýndar og á sér sjaldan fordæmi. Þetta er saga gúrú og chela, sambands meistara og lærisveins. Sem sá mikli og auðmjúki kennari sem hann var, sagði Jóhannes um Jesú: „Hann á að vaxa, en ég á að minnka“[3]; því hann bar í hjarta sínu þá miklu löngun Guðs að Jesús skyldi slá honum við í árangri og þjónustu. Hann vildi vera í bakgrunni, sjá dýrðina – allan möttul uppstiginnar vitundar sinnar – yfir Jesú. Eftir líf sitt sem Jóhannes skírari sneri hann aftur til uppstiginnar stöðu sinnar.
Þjónusta hans nú á dögum
Uppstigni meistarinn Jóhannes skírari segir:
Það verður að vera vettvangur fyrir himin og jörð, og það er staður hjartans. Hjarta þitt er viðtakandi Guðs, hinna kristsbornu; og móðurkviður hinnar guðdómlegu móður er viðtakandi sæðis Alfa fyrir fæðingu hins guðdómlega sveinbarns. Þess vegna, sem kristsbornir, takið konung konunganna og Drottin drottnanna velkomna í hjarta ykkar! Sem logar hinnar guðdómlegu móður, dýrkið holdtekju Krists!
Það er efnisgerð Guðs-logans sem við stefnum að til að gera jörðina að griðastað ljóssins svo að allt mannkynið megi þekkja Guðs ríki innan frá og utan, samræmi við helg lögmál.[4]
Heimildir
Mark L. Prophet and Elizabeth Clare Prophet, The Masters and Their Retreats, sjá “Elijah (John the Baptist).”