Fjórir lægri líkamarnir

Fjórir lægri líkamar eru fjögur hylki á fjórum aðgreindum tíðnisviðum sem umlykja sálina – farartæki sálarinnar á ferð hennar í jarðlífinu í tíma og rúmi: Farartækin sem Guð útvegaði sér til einstaklingsmiðunar hans á guðsloganum og fyrir tjáningu sálarinnar í heimi efnisformsins. Sem gagnkvæm kraftsvið eru þessir líkamar þungamiðlar fyrir lækkandi umbreytingu á orku andans sem sameinast sem efni. Líkamarnir fjórir eru ljósvaka- eða minnislíkami; huglíkami, langana- eða geðlíkami; efnislíkami. Ljósvakalíkaminn er forsniðinn sem gefur sálinni auðkenni sitt og felur í sér minnisskráningu á öllu því sem sálin hefur gengið í gegnum og haft hvatir til. Vitsmunalífið starfar í gegnum huglíkamann; þegar hann hefur verið hreinsaður getur hann verið farvegur fyrir huga Guðs, huga Krists. Langanalíkaminn felur í sér æðri og lægri langanir og skráir allar kenndir. Efnislíkami er sú undrasmíði úr holdi og blóði sem gerir sálinni fært að þróast í efnisheiminum.

Gagnvirkni hinna fjögurra lægri líkama

Þrátt fyrir að hvert hinna fjögurra áttundasviða sem samsvara líkömunum fjórum hafi einstaka frumefnatíðni, sem gefur tækifæri til einstakrar tjáningar á innri hæfni sálarinnar, þá tengjast fjórir lægri líkamarnir innbyrðis í gegnum ljósorkustöðvarnar sem eru jarðtengdar í efnislíkamanum í gegnum miðtaugakerfið og innkirtlakerfið. Þannig virka líkamarnir sem eining; og hugsana-, tilfinninga- og minnismynstur sem fara í gegnum líkamann skapa samtímis gárur af orkutitringi á hugar-, geð- og ljósvakasviðum.

Líta má á farartækin fjögur sem fjögur sigti eða trumbur, hver inni í annarri. Ljósvakalíkaminn er stærstur; innan hans er huglíkaminn, síðan geðlíkaminn og loks efnislíkaminn. Ljós Krists-vitundarinnar streymir í gegnum punktamynstur sem er gatað á efnivið hvers líkama mannsins. Punktamynstur hvers líkama er mismunandi. (Þeir eru líka breytilegir frá einum einstaklingi til annars í samræmi við hið guðlega forsnið.) Samt sem áður sjá ákveðnir samsvarandi lyklar innan mynstranna til þess að orka hinna fjögurra „trumba“ geri hverjum einstaklingi kleift að samþætta fjórar gerðir líkamsstarfseminnar við persónuleikann. Aðeins þegar götin eru í fullkomnu samræmi (þegar götin á „sigtunum“ fjórum eru beint á móti hvort öðru) getur ljósið streymt afburðarvel og staðfastlega. Þegar götin á „sigtunum“ eru algjörlega ósamræmd getur ljósið í besta falli aðeins síast í gegn og einstaklingurinn verður tregur og óskilvirkur.

Ljósvakalíkaminn

Ljósvaka- eða minnislíkaminn samsvara norðurhliðinni á borginni ferhyrndu og við grunn pýramídans. Það er eldslíkaminn og hefur sem slíkur hæstu orkutíðnina af fjórum lægri líkömunum. Ljósvakalíkaminn, eða ljósvakahjúpurinn, er sá eini af fjórum lægri starfstækjunum sem er varanlegur. Hann færist frá einni endurholdgun til annarrar en hug-, geð- og efnislíkaminn leysast upp. (Engu að síður varðveitast allar dyggðir og réttvísi sem maðurinn hefur tileinkað sér í þessum líkömum í orsakalíkamanum þannig að ekkert sem er nokkurs virði eða hefur varanlegt gildi fer forgörðum.)

Innan ljósvakalíkamans eru tvö kraftsvið. Þau eru stundum kölluð æðri ljósvakalíkaminn og lægri ljósvakalíkaminn. Æðri ljósvakalíkaminn er til þess gerður að skrá fullkomnun ÉG ER nærverunnar og til að kjölfesta í manninum guðdómlega forsniðið um hina Krists-bornu sérstöðu hans. Hann dillar sálinni og hinni hreinu orku Guðs sem streymir inn í veru mannsins og losnar fyrir krafti hins talaða orðs. Lægri ljósvakalíkaminn er undirvitundin, þessi tölva sem geymir lífsins gögn og nauðsynjar mannsins — alla reynslu hans, hugsanir, tilfinningar, orð hans og gjörðir sem eru tjáðar í gegnum hug-, geð- og efnislíkama hans.

Hug-, geð- og efnislíkaminn mynda bikar þrenningarinnar fyrir aðgerðir Krists sem tjáir sig með hugsunum, orðum og gjörðum – í heimi efnisformsins. Huglíkaminn er bikarinn sem Guð hellir visku sinni í; geðlíkaminn er bikarinn sem geymir kærleik hans; og efnislíkaminn er bikarinn sem úthlutar krafti sínum með þjónustu við alla. Þegar þessir þrír líkamar – þrenning fyrir fjölbreytileika mannsins – eru virtir sem fíngerð verkfæri og þeir eru samstilltir eiginleikum Krists, eru þeir samstundis meðvitaðir um tengslin við lögmál Guðs og alheims hans og öll stig mannlegrar viðleitni. Skynfæri sálarinnar starfa í gegnum hug-, geð- og efnislíkamann þegar maðurinn vígir þessi starfstæki sem musteri heilags anda og snýr meðvitaður aftur til ríkis aldingarðsins Eden.

Huglíkaminn

Huglíkaminn, austan við borgina, var hannaður til að vera bikar hugar Guðs fyrir tilstilli Krists hans, sem veitti manninum fullkomna samstillingu við sjálfa miðstöð lífsins í kjarna algeimsins og við hvítan eldkjarna hverrar efnisbirtrar frumeindar. Með rúmfræðilegu sniði fullkomnunar sem komið er fyrir í huglíkamanum er maðurinn fær um að stjórna náttúruöflunum, stjórna alheimi sínum og vera hinn mikli alkemíski dulefnafræðingur og gullgerðarlistamaður.

Þegar huglíkami mannsins (úr frumgerð loftsins) fyllist hégóma veraldlegrar visku, er hann ekki lengur móttækilegur, svarar ekki lengur fíngerðum hljómum hins þögla Orðs. Það er þá sem rökræða höggormsins heillar huga hans og hann lækkar vitundarstig bikar síns til að njóta tvöfeldni tvíhyggjunnar. Á þennan hátt veltur hyggja holdsins ímynd Krists úr sessi; með því að ræna valdstóli huglíkamans og ríkja í æðsta veldi gervivitundarinnar.

Geðlíkaminn

Geðlíkaminn samsvarar suðurhlið borginni ferhyrndu sem endurspeglar tilfinningar Guðs og Krists hans; miskunn og samúð; trú og von; von á kærleikann, fagnaðarríka einurð, brennandi ákefð og verðleikamat á andlegum lögmálum, guðlegum vísindum og guðdómlegum listum. Þar geymast líka tilfinningar mannsins, langanir hans og kenndir (geðshræringar hans), sem hjá mörgum eru oftar en ekki ókyrrar heldur en rósamar. Þegar maðurinn lærir að ná tökum á vatnsþættinum getur geðlíkaminn verið spegill Raun-ímyndar og orku hans getur verið beint til að endurspegla tilfinningar sálarinnar og meðfædda snertingu hennar við veruleikann; eða þegar þeim er haldið að ógnþrungnum og seiðandi geðsveiflum heimsins - mennskri angurværð, æstum múg, tilfinningavellu sápuóperunnar - getur það gert gerviímyndina að skopmynd af mennskum fíflskapi.

Eins og sjávarföll hafsins verða fyrir áhrifum af hringrás tunglsins, þannig verður frumþáttur vatnsins í geðlíkamanum fyrir tungláhrifum sem kemur fram í miklum geðsveiflum sem fólk upplifir á fullu tungli. En vötn tilfinningalíkamans bregðast einnig við skipun hins einstaklingsbundna Krists-sjálfs: „Þegi þú, Haf hljótt um þig! Þegar maðurinn færir gðlíkama sinn undir stjórn Guðs hefur hann á valdi sínu einn mesta kraft alheimsins til að innleiða hið góða og víkka út frelsi sannleikans, lífsins frið og kraft kærleikans um allan geim.

Efnislíkaminn

Efnisslíkaminn, sem samsvarar vestur hliðinni, gefur manninum tækifæri til að tjá allt það besta (summum bonum) í efnisvitund sinni. Eins og æðri ljósvakalíkaminn inniheldur forsniðið að einstaklingseinkennum á æðri sviðum, þannig mótar hinn jarðneski maður sjálfsmynd sína á efnivið efnislíkama síns. Myndaður „af dufti jarðar,“ sem ekki lengur glitrar af ljóma hins hvíta eldkjarna, er þessi tjaldbúð sálarinnar, þetta musteri hins lifanda Guðs, ekki gegnsæ eins og áður þegar hún gefur frá sér ljóma hins lifanda Guðs, Alheims-Krists. Í stað þess að vera þungamiðjan fyrir kristöllun hinnar guðlegu áætlunar, hefur efnislíkami (frumþáttur jarðar) mannsins orðið gröf ófullburða hugsana og tilfinninga sem skráðar eru á lægri ljósvakalíkama hans.

Karma og fjórir lægri líkamarnir

Karma mannsins ákvarðar getu og takmarkanir hinna fjögurra lægri líkama hans. Þannig að til þess að sýna fullkomnun í líkamsmynd sinni verður maðurinn að taka súrdeig Krists-vitundarinnar – „sem kona [hin guðdómlega móðir] tók og fól í þremur mælum mjöls“ – og setja það vandlega í ljósvaka-, hug- og geðlíkamana til að súrdeigið gæti sýrt „allt deigið“.

Sjá einnig

Líkamar mannsins

Efnislíkaminn

Huglíkaminn

Geðlíkaminn

Ljósvakalíkaminn

Heimildir

Mark L. Prophet and Elizabeth Clare Prophet, The Path of the Higher Self, 1. bindi úr Climb the Highest Mountain® ritröðinni. [1], 4. og 6. kafli.