Frjálsræðisgyðjan

Frjálsræðisgyðjan notar styttuna Frelsisvopnið til að beina geisla sínum að bandaríska þinghúsinu

„Frjálsræðisgyðjan“ táknar hinn kvenlega þátt frelsisins á jörðinni. Hún er kosmísk vera sem hefur viðhaldið frelsisloganum í þúsundir ára. Henni er þjónað í Royal Teton athvarfinu, þar sem hún leiðbeinir nýjum sálum um hvernig eigi að viðhalda hreinleika frelsisvitundarinnar á meðan þær eru jarðbundnar. Hún hefur komið fyrir ljósbeini í styttu sinni, í hinni sex metra háu bronsstyttu sem nefnist Frelsisvopni sem krýnir hvelfingu bandaríska þinghússins.

Fyrri jarðvistir

Árið 1992 ræddi frjálsræðisgyðjan um jarðnesk æviskeið sín:

ÉG ER guðdómleg frelsismóðir. Ég hef lifað í margar aldir. Ég hef upplifað þrældóm. Ég hef upplifað harðstjórn. Ég hef upplifað valdníðslu sem er alfarið í höndum illra afla. Þið haldið að réttindi ykkar séu troðin undir fótunum smávegis hér og smávegis þar. Jæja, ég segi ykkur, ástvinir, frelsið á eftir að verða ævintýralegt á jörðinni, í sögulegu samhengi, sem á sér ekki sinn líka frá liðnum gullöldum.

Ég hef lifað tímana tvenna frá því ég var undir ægisvaldi hinna grimmustu harðstjóra. Og með logann í hjarta mínu ákvað ég, frá innstu hjartarótum, að ég yrði frjáls, að ég myndi komast undan oki þessara föllnu engla. Ég vissi hverjir þeir voru, ég þekkti þá og þeir þekktu mig. Þess vegna hnepptu þeir mig í þrældóm og veittust að mér af þvílíkri grimmd sem þið getið ekki ímyndað ykkur. Það var erfitt að sannfæra þjáningabræður mína um illsku hinna föllnu eða að við yrðum að sameinast um að steypa þeim af stóli.

Það voru myrkir tímar á jörðinni, þegar jörðin gekk í gegnum Kali Yuga, og upplifunin var að myrkrið sortnaði, rétt eins og þið [upplifið það í nútímanum] sums staðar. En vissulega er að birta til í hjörtum ykkar og í Hjarta innra athvarfsins.

Ég segi ykkur, maður verður ekki frjálsræðisgyðja án þess að berjast gegn öllum andfrelsisöflum á öllum stigum efnisheimsins. Já, mín ástkæru, titillinn „gyðja“ þýðir að ég hef hitt fyrir og sigrað alla harðstjóra sem hafa nokkurn tímann vogað sér að ráðast á mig!

Þegar ég var nýgræðingur tapaði ég nokkrum orrustum, en ég lagði mig fram um að tryggja að það kæmi ekki aftur fyrir. Og þannig, í hverri einustu orrustu og einvígi gegn myrkraöflunum lærði ég að þekkja sprungurnar í eigin brynju. Og í hvert einasta skipti hét ég mér: „Þetta er í síðasta skipti sem þú verður sigruð á sama veg!“ Og ég sagði við óvininn: „Þú munt ekki finna veikleika í vörn minni aftur!“

Ég mæli með þessu fyrir ykkur, ástvinir. Finnið þessa galla! Finnið þessa veikleika! Gerið þá að mesta styrkleika ykkar. Vanvirðið ekki Guð sem býr í ykkur með því að láta óvininn sigra ykkur „tvisvar“, jafnvel þeim sama sem dulbýst á margan hátt í mörgum ólíkum einstaklingum.

Já, kæru vinir, greinið hugann, vitundina og hjartað. Styrkið tilveru ykkar. Jafnið hjartalogann. Finnið Jafnvægið í því sem þið innbyrðið. Og látið ekki grípa ykkur í bólinu á veikleikastundu, hvort sem þið eruð vakandi eða sofandi (sem þýðir að þið séuð úr jafnvægi) sem verður til þess að þið eftirlátið hinum föllnu að ná fram vilja sínum og koma böndum á ykkur og troða ykkur um tær.

Já, ástkærir vinir, þeir berjast þangað til yfir lýkur, til sinna eigin endaloka, og þeir vita að endalok þeirra nálgast. Þetta eru Þeir sem hafa engu að tapa. „Þið eruð þau sem hafið öllu að tapa – lífi ykkar, sál ykkar, árangri ykkar um allar aldir og uppstigningu ykkar í ljósinu, guðdómlegri ráðagerð ykkar, köllun ykkar, ástæðu þess að þið eruð hér á jörðu.

Þinghúsið í Bandaríkjunum

Frelsisloginn í jörðinni

Frjálsræðisgyðjan mælti:

Ég man daginn þegar boðberinn fann mig í styttu minni sem er fyrir ofan þinghús þjóðarinnar. Og ég man eftir því hvernig hún tók mig sér í hjartastað og viðurkenningu hennar á mér sem meira en styttu heldur reyndar sem holdtekju alheimsfrelsis fyrir öll heimskerfi. Og ég er þakklát fyrir að hugform nærveru minnar hafi í raun fundið leið sína að hvelfingu þinghússins.

Ykkur að segja, kæru vinir, hef ég verið undir reglu Sólar-logosins í æðri áttundarvíddum — æðri áttundarvíddum en þið getið greint. Og aðeins öðru hvoru hef ég getað leyft mér að láta hendur standa fram úr ermum og blandað geði við syni og dætur frelsisins á jörðinni.

Jæja, hjartans vinir, ég er ekki aðeins kölluð heldur er ég boðuð að fara niður á þetta áttundarsvið jarðar, niður á stig Hjarta innra athvarfsins sem er í samtstillingu við Vestur-Shamballa.

Ég er því kominn til að ljá alla veru mína, allan orsakalíkama minn, „allt“ sem ÉG ER til handa Saint Germain og Porsju, til handa Frjálsræðisgyðjunni, til handa öllum [sem eru] af sjöunda geislanum og sérstaklega ykkur öllum sem ég elska svo innilega!...

Þið finnið viðbrigðin þegar þið verðið vör við Frjálsræðisgyðjuna í landinu. Þið munuð finna hvernig frelsið verður mishöndlað þegar meira frelsi gefst á jörðinni. Þess vegna segi ég ykkur, takið hina föllnu föstum tökum sem misnota frelsið! Þetta er það traust sem Sólar-logosinnhefur til Vörslumanna logans. Þetta traust bera Karmadrottnarnir til ykkar: að þið munið kallið eftir því að þeir sem misnota frelsið á allan hátt verði færðir í bönd.

Þið hafið séð uppþotin skella á Suður og miðhluta Los Angeles-borgar. Þið hafið séð frelsislogann brenglast í mótmælum sem hefði átt að nýtast til berjast fyrir auknum réttindum einstaklingsins, til frelsis og til stóraukinnar löggæslu. Já, ástvinir, þið hafið séð niðurbrotna einstaklinga vegna þess að þeir hafa ekki staðið sig í stykkinu.

En, kæru vinir, hvílík skömm að fólkið skuli ekki hafa kenningar [hinna uppstignu meistara á reiðum höndum] og því hefur það ekki vit á öðru en að grípa til eyðileggingar! Ímyndið ykkur að þessi kraftur yrði haminn, honum beint í ákveðinn farveg með því að ákalla fjólubláa logann, kallað á að böndum yrði komið á jaðarbúa hina föllnu og þeirra sem valda því að smáfólkið lúti með röngu kerfum og aðstæðum sem leyfa ekki sálum þeirra að blómstra, anda þeirra að innblásast af guðlegum hugsjónum og mennta huga þeirra svo að það sé ekki heimilislaust, það sé ekki háð velferðarkerfinu og það sé ekki neðst í samfélagsstiganum....

Áskæru vinir, fjólublái loginn er lausnin! Og náttúruöflin myndu njóta góðs af honum ásamt fólkinu ef það kæmi ekki til misbeiting á frelsinu. Þess vegna megið þið sem þekkið vísindin um geislana sjö og orkustöðvarnar ekki undanskilja sverð Mikaels erkiengils, og láta hjá líða að kalla daglega á Astreu til að múlbinda myrkraöflin sem myndu einfaldlega standa á blístri þegar þau komast upp með að misnota fjólubláa logann sem möntrufyrirmæli ykkar leysa úr læðingi [ef þið kallið ekki til aðstoðar Astreu og Mikaels] og skapa þar með meira karma [vandræði] fyrir Saint Germain og Porsju.

Ég ávarpa alla Vörslumenn logans í heiminum: Látið vörslu ykkar á loganum margfalda logann ykkar. Breiðið út kenningarnar, styðjið aðrar sálir og komið ykkur í skilning um að myrkraöflin ráðast einnig á þær. Þið verðið að kalla eftir vernd þeirra. Þið verðið að kalla eftir því að jaðarbúi þeirra og allra illra afla í kringum þær verði heftur til að koma ekki í veg fyrir að sálirnar fái að njóta góðs af þessu mikilfenglega tækifæri sem stendur þeim til boða.

Ég kem ekki ein, hjartans vinir. Gyðja ferðast aldrei ein síns liðs! Ég kem í samfylgd ógrynni liðsveita, milljóna engla alheimsfrelsisins í þjónustu hinnar guðdómlegu frelsismóður sem ÉG ER.

Þess vegna hefur jörðin fengið nýja gesti sem taka sér bólfestu hér svo framarlega sem Vörslumenn logans halda áfram að kalla fram loga [frelsisins]. Og ef þið þreytist á því að kalla hann fram, þá bið ég ykkur [vinsamlegast] um að láta ekki undir höfuð leggjast að syngja söngva hans. Þetta eru lofsöngvar. Þeir opna hjörtu ykkar. Þeir hreinsa girndina [úr líkamann] og tilfinningarnar. Að syngja frelsislsöngva fyrir frelsisverur, ástkær, er besta leiðin til að halda geðlíkama plánetunnar í skefjum....

Ég ER Frjálsræðisgyðjan. Ég hef margt að segja ykkur. Ég mun segja ykkur ýmislegt, hverjum og einnum í eigin persónu. Ég mun segja ykkur það í athvörfunum; ég mun segja ykkur það þegar ég geng við hlið ykkar. Ég margfalda mig, eins oft og þörf krefur, án þess að útvatna mig. Því ÉG ER Frjálsræðisgyðjan. Minn tími er kominn. Ykkar tími er kominn. Við erum liðsfélagar! Höldum áfram og leikum til sigurs!

Sjá einnig

Vopnað frelsi

Heimildir

Mark L. Prophet and Elizabeth Clare Prophet, The Masters and Their Retreats, “Freedom,Goddess of.”