Hatha jóga

Í huga flestra á Vesturlöndum er jóga samheiti yfir hatha jóga. Það er kerfi líkamlegra æfinga sem gerir mönnum kleift að stjórna önduninni og líkamsstarfseminni. Þetta jóga er aðeins eitt af mörgum jógakerfum sem kennt er í Austurlöndum.

Þegar það er stundað sem markmið í sjálfu sér getur hatha jóga í raun afvegaleitt menn frá Guðs-birtingu, eða sameiningu við Guð. En hinn uppstigni meistari Chananda, yfirmaður Indverska ráðsins, mælir með hatha jóga sem

... viðeigandi röð líkamsæfinga sem hafa gagnverkandi áhrif við hina andlegu líkama mannsins og orkustöðvarnar. ...

Markmið þess er ekki þjálfun líkamans. Það byggir á guðdómlegum hreyfingum til losunar ljóss í frumum líkamans og frumeindum, í hjarta líkama ykkar sem er jafnvel njörvað þar. Að leysa þetta ljós vinnur gegn eiturefnum, þreytu og fyrirstöðu gegn sigur ykkar. Og þess vegna munuð þið ekki uppskera mikið þó þið æfið endalaust [hatha jóga] nema því aðeins að þið gerið þær í samblandi við hugleiðslu og einbeitingaæfingar. Það mun veita ykkur vörn gegn [óhóflegri] streitu sem fylgir því að bera byrðar heimskarmans og byrði þessarar ákveðnu gerðar óreiðuorku sem er einkennandi fyrir vestræna sveiflutíðni sem stafar frá múgvitund stjórnlausra geðlíkama og orkusóun og kæruleysislegri misnotkun á huglíkamanum.

Þið getið tekið þessa leið upp á armana en látið hana samt ekki standa í vegi fyrir venjulegri þjónustusemi. Við óskum þess að sjá [hjá ykkur] einhug og aga [sem verður til þess að slöngukrafturinn] rís upp frá grunni pýramídans í orkustöð mænurótarinnar og stígur upp í hvirfilorkustöðina. Mörg ykkar hafið agað ykkur með ástundun andlegra æfinga og dregið fram ljós hinnar voldugu ÉG ER-nærveru niður í hjartað og inn í lægri starfstæki [líkamans]. Og þetta er eins og það á að vera, þar sem vegur Guðs föður er lækkandi ljós og leið guðsmóður er stígandi ljós. Þannig byggjum við frá þeim grunni.

Umsögn uppstignu meistaranna um hatha jóga

Saint Germain:

Ég segi, haldið áfram því að englarnir vaka yfir ykkur, fullnumar komið nær, skrásetningarenglarnir gefa skýrslu til skrásetjaranna. Og ég fylgist með og bíð líka. Við erum reiðubúin til að flytja ykkur blessanir og vígslur og hvata til aukinna lífsgæða í musteri ykkar. Ég bið ykkur því að kynna ykkur allt það sem fullnumar hafa kennt, að stunda eitthvert jóga, einhvers konar hugleiðslu og gera það með það í huga að upplifa nýjar vitundarvíddir. Já, meginlönd hugans eru ykkur opin, en þið hættið ykkur ekki þangað nema þið hafið hæfnina.

Jesús:

Bæn, fasta, íhugun nærverunnar — líkamsrækt, jóga, anda að sér fersku lofti og sólskini, o.s.frv. — og umfram allt, jafnaðargeð, háleitt hugarfar, hæfileg hvíld og heilnæmt mataræði mun gera ykkur færari við að fara með hið talaða Orði og flýta fyrir því að vekja guðlegar minningar úr huga Guðs innan ljósvakalíkama ykkar og jarðtengja þær í heilafrumunum og miðtaugakerfinu. Að fylgja eftir ofangreindum skrefum stuðlar að því nauðsynlega jafnvægi sem gerir ykkur bæði friðsæl og frjálsleg í fasi, sjálfsörugg á hinni andlegu leið ykkar og gerir ykkur að glaðlegu fordæmi sem breiðir út gleði og eldmóði til allra! Þannig andar maður að sér helgum tilgangi og nær honum!

Porsja:

Þess vegna, ástkæru vinir, hafið þá tilfinningu fyrir jafnri stöðu að [koma] Krists-fyllingarinnar í ykkur ætti að gera ykkur að jafningjum hinna óuppstignu meistara í Austurlöndum fjær. Skiljið að þó að Krists-hugur ykkar geti tekið sér bólstað í ykkur og þjónað í gegnum ykkur, þá krefst full bólstaða þess í musteri ykkar meiri styrks heilags anda sem er jarðtengdur í líkamlegu formi, frumeindum, frumum og orkustöðvum.

Vitið því, ástvinir, að líkamleg geta þessa líkama, rétt hreyfing og jóga að eigin vali, sem þýðir að líkamleg umhyggja við eigin ÉG ER-nærveru ykkar er nauðsynlegur þáttur í hvaða mataræði sem fylgt er. Vitið því að heilnæmi lífsins, siðferði, varðveisla lífskraftsins, þess sem er ljúft og hreint og kærleiksríkt, upplífgandi, allt þetta stuðlar að heilsu sem verður jafnvel heilleiki [heilagleiki] og ker fyrir [úthellingu] heilags anda.

The Gullguðinn:

Ef þið getið hugsað ykkur voldugan staf — efri hluti stangarinnar er Alfa, neðri hluti stangarinnar er Ómega og miðja stangarinnar er á deplinum á milli ljósvakaáttundarinnar fyrir ofan og áttund efnissviðsins fyrir neðan (þ.e. miðja stangarinnar er þar af leiðandi í hjartastað) — þið gætuð því séð fyrir ykkur hönd Elóhíms sem grípur þessa stöng, snýr henni nú. Og þar sem henni er snúið beint á sinn stað, snúast skautin við.

Og sjá, á örskotsstundu er ljósvakaáttundin nú á jörðinni og efnislega áttundin skipar nú þann sess sem ljósvakabandið hafði áður. Hið neðra stígur upp til umbreytingar; hið efra lækkar til samlögunar. Og þannig á jöfnun sér stað á milli krafta Alfa og Ómega sem er endurtekið í rafskauti á ykkar eigin valdsviði sem er mænualtari ykkar eigin kúndalíni elds.

Og þannig sjáið þið, þegar þið stundið þessar guðdómlegu jógastöður og þið standið á höfði eruð þið, ástvinir, að líkja eftir þessum viðsnúningi stangarinnar og draga þess vegna ljósvakalíkamann niður og gefa efnislega líkamanum tækifæri til að hlaðast með æðra ljósi. Og axlarstaðan mun duga því það geta ekki svo margir á Vesturlöndum, hættulaust, stundað þá höfuðstöðu.

Ástvinir ljóssins, gerið ykkur grein fyrir hinum mikla krafti, jafnvel þegar þið hangið á hvolfi í nútíma æfingatækjunum ykkar. Sama meginreglan gildir — að vera á hvolfi dregur kraft hins helga elds og ljósvakalíkamans inn á jarðsviðið til ykkar. Og þannig er þetta merking eins augnabliks Guðs. Ég gef ykkur æfingu til sjónsköpunar, fyrir alkemíska umbreytingu og fyrir líkamlega áreynslu.

Páll feneyingur:

Þannig þjóna fegurð og stærðfræði, hlutföll og gullna sniðið því hlutverki að örva boðskap Orðsins sjálfs. Þannig leituðumst við og leitumst alltaf í athvarfi okkar, Château de Liberté (Frelsishöllinni), við að lífga upp á fornar akasha-skrár um stóru sálirnar sem hafa veitt lifandi loga sálarfyllingu. Við könnum rúmfræði dyggðarinnar eins og hún sést á ljósvakasviðinu. Við könnum víddir árunnar og hvernig sveiflutíðni ljóssins og samhljómur þess gerir einstaklingnum kleift að bera meira og meira ljós.

Við gefum kennurunum í skólunum okkar hér einhvern skilning á nauðsyn þokkafulls stíls og hreyfinga sem færir okkur að efninu — hvort sem um er að ræða jóga eða ballett eða dans eða taktfasta göngu — á náttúrulegum þokka sálarinnar sem ætti að tjá í gegnum líkamann til að losa fóhat, til að losa hinn helga eld öndunarinnar. Hljóð- og tónlistarmynstur sem varpað er út verða leiðir til að opna hjartastöðina, minnka spennu og þar af leiðandi auka kærleikann og þakklætið fyrir lífið.

Kyklópea:

Munið að við höfum samþykkt og talað fyrir ýmsum jógakerfum til að viðhalda takti lífsins. Þegar þetta er sameinað öndunaræfingu Djwal Kúls og sjónmyndun þrígreinda logans til að ljósið flæði í orkustöðvunum, jógataktinum, takti kraftmikilla möntrufyrirmæla, réttu mataræði, líkamsæfingum og að stara á sólina einu sinni á dag í tíu mínútur þegar þið ákallið Helíos og Vestu (gæta þess um leið að gera ekki augun berskjölduð fyrir beinum glampa sólar) gefur það ykkur samband við voldugan ljósforða í hjarta Helíós og Vesta sem er orkujöfnun fyrir þetta sólkerfi.

Djwal Kúl:

Þeir sem eru nemendur hinna uppstignu meistara þurfa ekki að æfa hefðbundin jógakerfi til að ná ódauðlegri endursameiningu [við æðra sjálfið]. Engu að síður finna þeir í þessum vísindum forboð um æðri leið til uppfyllingar með krafti heilags anda sem kallaður er til sem eldur til umbreytingar og frelsunar. Þegar ára ykkar fyllist eldi Guðs með daglegum áköllunum sem gefnar eru í nafni ÉG ER-nærverunnar, tilskipunum Orðsins og vel skilgreindum möntrufyrirmælum, þá myndast þrýstingur sem berst til sálarinnar og vitundarinnar þar sem hinni sönnu sjálfsmynd, einstöku eðli sálarinnar, er bókstaflega varpað inn í hið allra heilagasta, hinn leynda stað hins æðsta Guðs sem er ÉG ER-nærveran.

Sjá einnig

Jóga

Heimildir

Mark L. Prophet and Elizabeth Clare Prophet, The Masters and the Spiritual Path, 1. kafli, “The Highest Yoga.”