Leonora/is

Hinm uppstigni kvenmeistari, „Leónóra“, er verndarkona vísinda og uppfinninga. Við getum kallað eftir því að hún hafi umsjón með framboði uppfinninga og réttri þekkingu til verndar öllu því sem þjóðir okkar þurfa á að halda fyrir tilstuðlan stjórnvalda og hernaðaryfirvalda. Hún starfar með Saint Germain í Táknahellinum. Ein af uppfinningum hennar sem Guy Ballard sá þar var útvarpstæki sem gat tekið við merkjum frá hvaða stað sem er á jörðinni, sem og öðrum plánetum. Með því var einnig unnt að eiga samskipti við ljósvakabeltið í kringum jörðina og við innri hluta hennar.

Lafði Leónóra varar við misnotkun vísinda og tækni. Hún gerir athugasemdir við aðferðir til að stjórna huganum sem byggjast á dáleiðslu og sjálfssefjun sem myndu stuðla að því að hafa skipti á Krists-vitundinni fyrir svokallaðar vísindalegar aðferðir:

Þessar aðferðir, sem lærast utanað eins og þula, eiga að gera manninn sjálfráðan. Honum er sagt að hann þurfi enga utanaðkomandi hjálp, nema þeirra sem vilja græða á honum með því að kenna honum aðferðir til að stjórna huganum. Hann er fullvissaður um að þær muni gera honum kleift að sveigja ekki aðeins sinn eigin vilja heldur einnig vilja annarra að vild. Þannig myndast sálræn drottnun með sálrænni tækni sem gera manni jafnvel kleift að kreista út leyndarmál lífsins frá sjálfum himninum.

Þeir sem hagræða æðri lögum skulu gæta sín því til forna voru það þessar rangfærslur sem rufu hin kosmísku samskipti milli óuppstiginna manna og veruleika Guðs. Með því að koma á fót kerfi þar sem sjálfið drottnaði yfir sjálfu sér og öðrum, reyndu menn að koma á fót einkavæddu fámennisveldi sem þyrfti ekki hjálp frá neinum, ekki einu sinni frá Guði sjálfum.

Andarnir sem stjórna slíkri óheilnæmri starfsemi munu fyrst segja mönnunum að þeir hafi innbyggða færi til að snúa sér beint til Guðs, að þeir þurfi enga leiðsögn eða aðstoð neinna nema guðdómsins sjálfs. Síðan, eftir að þeir hafa sannfært fólk um eigin innri krafta, læða þeir inn þeirri lúmsku lygi að þar sem þeim gengur sjálfum svona vel sjálfum, þá þurfi þeir kannski ekki á honum að halda eftir allt saman.

Leónóra útskýrir að frelsisleiðin liggi aðeins í gegnum Krists-vitundina.

María guðsmóðir hefur hvatt okkur til að ákalla Leónóru:

Megi Bandaríkin vakna og sækjast eftir andlegri dýrð af kostgæfni. Og samtímis því að Bandaríkin sækist eftir dýrð andans, megi þau þá einnig sækjast eftir nauðsynlegum vísindalegum framförum í takt við tímann. Ég tel það vel ef mannkynið beini fyrirmælum til hins ástkæra Saint Germains og kvenmeistarans Leónóru um meiri framleiðni vísinda og uppfinninga svo að það verði myrkraöflunum um megn að ráðast á lýðræðið og þekkta staði sem eru vígi frelsisins.

Heimildir

Mark L. Prophet and Elizabeth Clare Prophet, The Masters and Their Retreats, s.v. “Leonora.”