Temple of Mercy/is

Jingshan Park hofið, Peking

„Náðarhofið“, ljósvakabeinir náðargyðjunnar, Kvan Jin, er staðsett við rætur fjallanna uppi yfir Beijing (Peking) í Kína.

Í þessari helgiathöfn gnæfir miðlæg pagóða með gullna hvelfingu yfir tólf umlykjandi pagóðum (hofum), sem hver um sig beinist að jín og jang eiginleikum hinna tólf stigvelda sólarinnar. Plús- og mínusþættir hverrar línu hinnar kosmísku sólskífu eru endurskapaðir hér tónlistarlega af fulltrúum hvers stigveldis sem þjóna í hverri af tólf minni pagóðunum. Hið kosmíska suð (humm) sem kemur frá Hinni miklu megistöð er endurskapað í miðturninum sem tónlist himinhvolfanna. Það er samsetning þessara plús- og mínusþátta Alfa og Ómega í einstakri samsetningu í hverju af tólf húsunum sem framkallar virkni náðarlogans sem er í miðlægum brennidepli undir gullnu hvelfingunni. Þessi tónlist er uppruni kínverskrar og austurlenskrar tónlistar. Það er beinir þessarar helgiathafnar sem gerir austurlenska list svo gjörólíka vestrænum stíl og hugmyndum okkar.

Fyrir ofan innganginn að hverju af tólf hofunum hanga kristalbrot og útfelldur málmur sem hljómar tóna musteranna þegar vindurinn blæs í gegnum þau. Hringlaga stigi sem snýr að jaðrinum leiðir okkur upp á efsta hluta hverrar pagóðu. Þar eru pallar á fjórum hæðum þar sem tónar jin og jang þátta stigveldisins losna úr læðingi.

Í miðpagóðunni, þar sem þögn hefur ríkt í aldir, er altari, höggvið úr fílabeini, þar sem náðarloginn tifar innan í gullnum durtkerum. Miðpagóðan er sex hæða há, glæsileg bygging með mörgum logaherbergjum, ráðssal og kennslustofum þar sem bræður og systur náðarinnar þjóna og taka á móti þeim sálum frá heiminum sem þurfa hvíld og mettun fyrirgefningarlogans áður en þær geta snúið aftur til endurfæðingar á jörðinni, uppfyllt guðlega ráðagerð sína og jafnað skuldir sínar við lífið.

Kvan Jin er sannarlega alheimsmóðir; blíða kærleikshjarta hennar til allra sem koma hingað bræðir jafnvel daufustu mannsskapnaði og hvetur þá sem jafnvel bera þyngstu karmabyrðarnar til endurnýjaðrar þjónustu og ákalls á logann. Svo mikil er samlíðan og fyrirgefning Kvan Jin að enginn sem kemur hingað fer án þess að vita að vegna þess að þeir eru elskaðir, geta þeir haldið áfram og reynt aftur og náð árangri.

Samansöfnuð mildi, hollusta við fjölskylduna og þjónusta hvert við annað, sem er svo sérstakt við Kínverja, gætir vegna áhrifa náðarlogans í þessari kyrrðardvöl.

Heimildir

Mark L. Prophet and Elizabeth Clare Prophet, The Masters and Their Retreats, “Temple of Mercy.”