Electronic Presence/is

ÉG ER Nærveran inniheldur frumgerð hins sanna sjálfs; öfluga eftirmynd af uppstignum meistara, fyllingu áþreifanlegs ljóslíkama hans sem hægt er að festa í tíma og rúmi innan áru lærisveins. Tilbiðjandi sem kallar á uppstiginn meistara, í nafni ÉG ER SÁ SEM ÉG ER getur fengið blessun með rafrænni nærveru hans.

Að kalla fram rafræna nærveru meistara

Sem synir og dætur Guðs, þekkjandi vísindi hins talaða Orðs og beitingu þess tvíeggjaða sverðs, vitum við, vegna þess að Guð hefur sagt okkur þetta, að við getum kallað á nærveru hvaða engils eða meistara eða kosmískrar veru sem er og látið þá nærveru yfir okkur koma.

Þetta er nákvæm eftirmynd af veru meistarans, rafræn í eðli sínu, alveg niður á rafeindastig. Þess vegna getur Jesús Kristur sett nærveru sína yfir hvern sem er, yfir milljón manns í einu, yfir alla á jörðinni og lengra. Og allir geta þannig dvalið í lifandi nærveru Jesú Krists.

Sanat Kumara útskýrir:

Sérhver uppstiginn meistari sem hefur staðist vígslu lambsins, þar sem honum er veittur allur kraftur á himni og jörðu, getur, að vild, yfirfært til óuppstigins chela-síns „heilagan anda“ sinn — eftirmynd guðdóms síns sem kallast rafræn nærvera. Þessi yfirskyggjandi nærvera uppstigins meistara er möttull sem flyst til chela-nema í áföngum með vígslu í gegnum rúbín-geislann þar til margföldun vitundar uppstigins meistara innan chela-nema hans verður fylling anda hans.

Úthlutun frá Maríu guðsmóður

María guðsmóður hefur boðið okkur að kalla á rafræna nærveru meistaranna yfir okkur á meðan við sofum:

Ef þið gætuð aðeins rétt út hönd ykkar og snert mína! Þið getið næstum „fundið“ fyrir því að það er mjög lítið sem skilur okkur að, ástvinir. Línan er mjög stutt milli englasveitanna og mannkynsins. Þegar þið flytjið bænir ykkar, þegar þið hafið gengið til náða á nóttunni, gerið ykkur þá grein fyrir því að einfaldlega með einni snertingu, með einni hugsun, með ljósdepli, erum við stödd í nærveru ykkar.

Og ef þið biðjið, ástkærir, að rafræn nærvera meistarans, að eigin vali, verði lögð yfir umgjörð ykkar áður en þið leggist til hvílu á kvöldin, þá munið þið komast að því að á meðan þið hvílist getur uppsafnaður ljósstraumur þessarar uppstignu veru frásogast inn í vitund ykkar, inn í fjóra lægri líkama ykkar með krafti rafskautsins á hryggnum — upp- og niðurstraumar Guðs sem móta segulkraftssviðið sem er þungamiðja hinnar miklu hringrásar óendanleikans innan ykkar eigin nærveru.

Gerið ykkur grein fyrir því hvað þetta getur þýtt fyrir ykkur, ástkæru vinir! Áður en þið farið að sofa á kvöldin, ef þið segið: „Elsku faðir, elsku Jesús Kristur, sendið mér rafræna nærveru ykkar og látið þessa eftirmynd ykkar hvíla yfir mér, í gegnum mig og í mér á meðan líkami minn sefur,“ þá munið þið vakna með anda upprisulogans innra með ykkur eins og Kristur vaknaði á páskamorgni. Og þið munið komast að því að innra með ykkur hafið þið fullan slátt þess máttuga loga með fullum þungs sigurs uppstigningarstraumanna.

Sjáið þið hvað þetta getur þýtt fyrir ykkur, ástkæru vinir, ef þið gerið kerfisbundinn lista yfir alla þekkta aðila helgiveldisins og kallið síðan á hverri nótt til mismunandi meistara, með auðmjúkri bæn til logans sem hann þjónar á og biðjið síðan um að þið mettist af honum? Þið komist að því að þið verðið þá undir það búin að hefja daginn sem kennarar, þjónar og prédikarar Orðsins og að þið fáið mikla aðstoð sem annars hefði tekið margar kynslóðir að þroskast í gegnum ykkar eigin innri þjálfun, einfaldlega með því að senda ákall til ykkar eigin hjartaloga ef fulltingis uppsafnaðs krafts ljósveranna nyti ekki við.

Viljið þið gera þetta með mér í ár, hvern og einn af þeim þrjú hundruð sextíu og fimm dögum sem eru í vændum? Viljið þið gera þetta, ástkærir? Standið og skuldbindið ykkur ljósinu og gerið ykkur grein fyrir því að sem Alheims-móðir ykkar mun ég magna upp hvaða kall sem þið farið með. Því ég heitið með sjálfri mér í ár, sem lið í hollustu minni við mannkynið, að hvert ákall sem gert er í mínu nafni muni hafa fullan kraft þjónustu minnar og jafnvel meira. Hið mikla Karmíska ráð hefur veitt mér sérstaka ívilnun til þess að þið getið aðstoðað lífsstrauma þessarar jarðar. Og því, ástkærir, þeir sem gangast við því að kalla í mínu nafni, magna ég kraft þess loga og læt hann leysa allt mannkynið. Því í anda hans er sigur ljóssins.

Nærvera Lanellós

Í fyrsta opinbera fyrirlestri Lanellós, aðeins tveimur mánuðum eftir uppstigningu hans, bauðst hann til að koma rafrænni viðveru sinni fyrir hjá okkur:

Ég er eins nálæg og andardrátturinn sem þið andið að ykkur. Og þið getið hvergi farið þar sem ég er ekki því ég hef varpað rafrænni nærveru minni til hvers og eins ykkar sem taka við mér. Eins og Jesús skrifaði: „Sá sem tekur við spámanni, mun fá spámanns laun.“ Laun mín eru uppstigningin! Laun mín eru ljós! Og ef þið takið við mér sem spámanni uppstigningar ykkar, þá getið þið haft rafræna nærveru mína gangandi við hliðina á ykkur, og ég mun klæðast minni eigin bláa kápu. Og menn munu segja: „Sjáið þessa tvíbura ganga niður götuna.“ Því þið munuð líta út eins og ég og ég mun líta út eins og þið, og hver mun segja hver er uppstiginn og hver er ekki uppstiginn? Því að þeir áttu ekki í smá erfiðleikum með að greina muninn á Jesú og lærisveinum hans?

Heimildir

Elizabeth Clare Prophet, 15. febrúar 1986.