Dictation/is

Boðskapur frá uppstignum meistara, erkiengli eða annarri háþróaðri andlegri veru, sem sendur er fyrir tilstilli heilags anda af boðbera Stóra hvíta bræðralagsins.

Embætti boðberans

Elizabeth Clare Prophet lýsir ferlinu við að taka við fyrirlestri í 4. kafla The Astrology of the Four Horsemen (Stjörnuspeki hinna fjögurra riddara):

Ég fékk þjálfun mína hjá uppstigna meistaranum El Morya undir handleiðslu Marks Prophets og ég var smurður boðberi uppstignu meistaranna af Saint Germain. Skipun mín og erindi er að flytja spádóma Guðs og kenningar uppstignu meistaranna fyrir fiskaöldina sem og eilífa fagnaðarerindið fyrir nýju vatnsberaöldina.

Ég tek á móti þessum spádómi fyrir kraft heilags anda á þann hátt sem spámenn og postular fortíðarinnar gerðu. Þegar sendingin á að eiga sér stað, fer ég í hugleiðsluástand og samstilli mig við DROTTIN Guð eða fulltrúa hans. Nærvera DROTTINS eða nærvera uppstigins meistara, alheimsveru eða erkiengils kemur yfir mig og orðin og ljósið flæða með krafti og persónuleika sem er ekki minn eigin.

Þetta samræmi sálar minnar við lifandi orð Guðs kalla ég fyrirlestur, því orðin eru lesin fyrir mér jafnvel þótt ég mæli þau með orkutíðni hins guðdómlega ræðumanns. Þetta er sannarlega guðdómlegur atburður sem ég er aðeins verkfæri fyrir. Þetta er gjöf heilags anda og ekki eitthvað sem ég get kallað fram.

Eina leiðin til að lýsa þessari reynslu er að segja, með orðum spámannsins: „Andi DROTTINS er yfir mér því að ÉG ER SÁ SEM ÉG ER hefur smurt mig til að prédika ... “ Jesús talaði um hlutverk spámanns eða sendiboða þegar hann sagði: „Sá sem trúir á mig trúir ekki á mig heldur þann sem sendi mig og sá sem sér mig sér þann er sendi mig."

Ég kalla mig ekki miðil því, að mínu mati, er miðlun bara annað orð yfir andahyggju. Að leita ráða hjá framliðnum öndum hefur verið í gangi síðan særingarkonan í Endór særði fram spámanninn Samúel fyrir Sál konung — og löngu áður. Þótt Samúel hafi verið háleit sál geturðu aldrei verið viss um hvað þú færð með miðlun.

Framliðin vera er aflíkömnuð vera sem hefur ekki stigið upp til Guðs; þess vegna er hún hvorki karmalaus né frjáls undan endurfæðingarhjólinu. Þar sem slík sál hefur ekki gengið í gegnum helgisiði uppstigningarinnar og samsamað sig að fullu við Guð, er hún jafn breysk og hver annar í holdgervingu. Hún býr enn yfir mennskum eiginleikum sjálfshyggjunnar sem og neikvæðni, og hætt er við að hún miðla neikvæðninni viljandi eða óviljandi.

framliðnar verur geta verið góðviljaðar en þær eru ekki alvitrar. Þær geta miðlað sannleika en þær geta verið sjálfsbyrgingslegar, stoltar og síngjarnar. Þær eru þekktar fyrir að notfæra sér fólk til að ná markmiðum sínum og taka ljós annarra.

Framliðnar verur draga til sín lífsnauðsynlega sálarorku og tæma bæði miðlarann ​​og þá sem eru viðstaddir af þeim andlega lífskjarna sem nauðsynlegur er til sannra framfara á veginum. Sumir þekktir miðlarar viðurkenna að þeir séu úrvinda eftir miðlanir sínar og margir segjast finna fyrir tómleika eftir að hafa sótt „miðlunarfund“.

Aftur á móti er orkan mögnuð sem losnar frá guðlega frjálsum uppstignum verum sem tala frá hæstu áttundarvíddum ljóssins og eru eitt með alheimshuganum. Hún er hressandi. Hún hleður og endurnýjar líkama, huga og anda hvers og eins í söfnuðinum, hreinsar orkustöðvarnar og dregur sálina nær eigin innri guðlegum veruleika.

Fyrirlestrar eru ekki sjálfuppfyllandi sálrænar spár, né snúast þeir um að byggja upp persónuleika eða sjálfshyggju (egó) þeirra sem eru viðstaddir. Þeir eru Orð Guðs, flutt fyrir tilstilli fullkomlega samþættra ódauðlegra vera sem eru taldar meðal hersveita Drottins.

Þessar verur koma til að vígja okkur inn í forna leyndardóma Krists og Búddha og eilífa fagnaðarerindið fyrir nýja öld vatnsberans. Og þær koma til að hvetja okkur svo að við rísum upp til hins mikla guðsloga innra með okkur og vinnum bug á uppsöfnuðum þunga hins endurkomna karma sem er að færast yfir komandi tíma.

Hinir uppstignu meistarar kynna leið og kenningar þar sem hver einstaklingur á jörðinni getur fundið leið sína aftur til Guðs. Bækurnar sem ég og Mark Prophet höfum skrifað og vikulegu „Viskuperlurnar“ sem við höfum fært nemendum uppstignu meistaranna um allan heim síðan 1958 er ætlað að gefa fólki tækifæri til að þekkja sannleikann sem mun gera það frjálst.

Tilgangur minn í lífinu er að hjálpa öllum að kynnast sínum eigin Guðs-veruleika — ÉG ER-nærveru sem yfirskyggir þá — svo að þeir megi ganga heimleiðina með Jesú, Drottni okkar og frelsara, og hinum uppstignu meisturum.

Ég held því ekki fram að ég sé meistari né heldur að mitt mennska sjálf sé fullkomið. Ég er aðeins verkfæri hinna uppstignu meistara. Markmið mitt er að leiða sanna leitendur, í samræmi við hefð meistara Austurlanda fjær (sem Jesús var dæmi um), á það vitundarstig þar sem þeir geta hitt kennara sína augliti til auglitis.

Aðferðir til að taka við fyrirlestrum

Helgiveldið á samskipti við boðberann í gegnum ljós- og hljóðgeisla. Boðskapur berst á nokkra vegu:

1. Í lifandi eldbréfum sem birtast boðberanum, sem les þau eins og maður myndi lesa bréfin sem birtast á Times Square byggingunni í New York borg. Ósýnileg áhorfendum, hreyfast þessi bréf yfir skjáinn í huga boðberans eins og þau væru á færibandi.

2. Ex cathedra, [óskeikull boðskapur (páfans)] frá munni Guðs. Uppstiginn meistari leggur rafræna nærveru sína yfir boðberann, sem samstillir raddbönd sín við raddbönd boðberans og notar þau eins og þau væru sín eigin. Í þessu tilviki er hugsunarflutningur frá vitund meistarans til boðberans umsvifalaus og það er ekkert millistig þar sem boðberinn verður að greina eða lesa. Þessi gerð fyrirlesturs gengur mjög hratt fyrir sig og er yfirleitt óaðfinnanlegur.

3. Í hugsunargervi. Meistarinn leysir úr vitund sinni frumdrög fyrirlestursins til boðberans í "hylki". Þau eru afkóðuð í heila boðberans sem líkja má við tölvuvinnslu og með lyklunum (úrlausnunum) sem komið hefur verið fyrir í fjórum lægri líkömum boðberans er forsnið meistarans þýtt yfir á bylgjulengd boðberans og síðan borið fram í orðum. Þetta er flókið ferli sem á sér stað óháð tíma-rúms samfellunni, á þeirri andrá þar sem hugur Krists, sem legst sem geislabaugur yfir boðberann, er samstilltur huga Guðs þar sem fyrirlesturinn verður í samræmi við einstaklingsgerð uppstigna meistarans.

4. Með hugskeytum. Hugræn mynstur eru send frá meistaranum til boðberans í gegnum huga Krists. Þessi tegund fyrirlesturs er notuð þegar meistarinn er ekki viðstaddur heldur er í ljósvakaathvarfi eða á öðrum stað í þessu sólkerfi. Þessi aðferð er einnig notuð fyrir stuttar athugasemdir sem boðberinn kann að leita til meistarans um skipulagsvandamál eða persónulega ráðgjöf fyrir nema. Yfir snertiþráðinn sem tengir boðberann við allan anda hins Stóra hvíta bræðralags, á sama tíma og hann er tengdur hverjum einstökum félaga Bræðralagsins, getur hann fengið með hugskeytum þær upplýsingar sem meistararnir telja nauðsynlegar fyrir þjónustu hans í efnisheiminum.

Hver aðferð til að taka við fyrirlestrum þjónar sínum tilgangi. Ex-catedra aðferðin er æðsta og besta leiðin því hún gerir meistaranum kleift að víkka áru sína með meiri styrk sem fangar anda salarins og árur þeirra sem eru viðstaddir. Þannig geta þeir tekið við boðskap meistarans með öllum sínum vitsmunum sem og útstreymi útgeislunar hans.

Hins vegar, þegar truflunar gætir í salnum, eins og af völdum þeirra sem eru efins um eða ekki í sátt við annað hvort meistarana, boðberana eða kenningar þeirra, er hætt á því að þeir trufli flutning fyrirlestursins með ex-cathedra aðferðinni að því marki að meistarinn finni það hagkvæmt að koma boðskapnum á framfæri annaðhvort með hugsanaflutningi eða með eldlegum bréfum.

Sjá einnig

Boðberi

miðlun

Heimildir

Hartmann Bragason, Austurlenskar rætur kristninnar. Upprunalegar kenningar frumkristninnar og guðfræði nýja tímans. Reykjavík, Bræðralagsútgáfan, 2022, Orðalisti, bls. 255.

Mark L. Prophet and Elizabeth Clare Prophet, Saint Germain On Alchemy: Formulas for Self-Transformation.

Mark L. Prophet and Elizabeth Clare Prophet, The Path to Immortality, 5. kafli.