Hawaii/is

Strönd á Havaíeyjum

Havaíeyjar eru aðal yin-punktar Bandaríkjanna. Þar sem það er sá staður þar sem flæði Guðs-móðurinnar er mest, er það einnig sá staður þar sem misbeiting eða afbökun loga Guðs-móðurinnar er hvað mest.

Eyjar Havaí voru tindar fjallgarðs á Lemúríu, hjartastöð meginlandsins, hjartsláttur milljóna manna sem þar þróuðust. Hjarta Lemúríu var ekki hægt að hylja þegar meginlandið sökk.

Samfundur Austurs og Vesturs

Samfundur Austurs og Vesturs á sér stað í hjartastöðinni — eina leiðin til þess að slík móttaka geti átt sér stað. Og flæði þessarar orku frá Maitreya til Guðs-móðurinnar er leiðin þar sem viska Guðs föður frá Austurlöndum mun fela í sér flæði kærleika Guðs-móðurinnar á Vesturlöndum.

Á Vesturlöndum er birting Guðs-logans Mater (getur bæði þýtt efni og móðir á latínu), eða efnisbirting Guðs-móðurinnar. Á Vesturlöndum er logi Guðs-móðurinnar jarðtengdur í Hofi Uppljómunarinnar, athvarfi guðsins og gyðjunnar Merú, við Títikakavatn, hæsta vatn í heimi, hátt uppi í Andesfjöllum. Og í miðju vatnsins er Sóleyjan og sagan um tvíburaloga sem komu fram frá því vatni til að feðra og mæðra kynstofninn sem þekktur er sem Inkarnir.

Hið karllæga skaut guðdómsins er jarðtengt í Himalajafjöllum, í athvarfi Bláa lótussins.

Þegar við komum á samruna og straumflæði hinnar áttalöguðu lykkju Guðs föður og Guðs-móður frá hvirfilorkustöðinni niður að grunnstöð í hverjum og einum, getum við farið að gera hið sama fyrir meginlöndin. Það er virkni Merkúrstafsins milli Austurs og Vesturs. Havaí er ekki aðeins viðtökustaður þessara afla, hinna kosmísku krafta Mú, heldur einnig brennidepill fyrir upplyftingu sjö þátta Guðs-móðurlogans í hinum sjö orkustöðvum.

Þessi birting ljóssins er ætluð sem framlag Havaí til vatnsberaaldarinnar. Hinar sjö megin­eyjar eru brennideplar sjö þátta upplyftingar Guðs-móðurinnar. Það þarf aðeins syni og dætur Guðs sem eru helguð þessum kosmíska tilgangi til að reisa á þessum eyjum skurðpunkta Guðs-móðurinnar og Búddha sem opna dyr til að miðla kenningunum sem munu frelsa fólk hennar.

Eyjarnar sjö

Í fyrirlestri sem fluttur var á eyjunni Maui útskýrði Sanat Kumara að hinar sjö megin­eyjar Havaí samsvari hinum sjö líkömum mannsins og hinum sjö orkustöðvum:

Við sjáum því í þessum sjö eyjum sjö þætti Guðs, sjö líkama mannsins og vald á sjö orkustöðvum. Við sjáum á eyjunum Havaí, Maui, Oahu og Kauai þróun fjögurra lægri líkama mannkynsins. Og við sjáum að efnislíkaminn á Havaí er enn að stækka — enn að þenjast út til að verða farvegur birtingar Guðs-móðurinnar í efninu.

Hér á Maui er tjáning tilfinninga Guðs sambærileg tilfinningum Guðs-móðurinnar. Það er geðlíkaminn sem stjórnast af Móður-loganum; það er staðurinn þar sem sálir gera sér grein fyrir Guðs-móðurþættinum, jafnvel um leið og þær læra að ná tökum á geðíkamanum og tilfinningaorkunum. Og þar sem Guðs-móðirin táknar flæði vatnsins munu ljóssálir sem við veljum til að bera loga Guðs-móðurinnar virkja hér löngunina sem tengist vatnslíkamanum.

Eyjan Oahu sýnir hugræna virkni mannkyns og örvun verslunar og viðskipta margra sála því í Bandaríkjunum er mikil hugræn virkni — að hluta til vegna óróleiki lægri hugar og að hluta virkni Hins æðra Hugar. Hvort sem það er til góðs eða ills verður að ná tökum á hugarlíkamanum, og með þessum orkustraumum mun ljós Krists, hins eingetna sem stafar af ykkar eigin orsakalíkama, koma fram.

Vegna þess að mannkynið hefur svo oft fallið á þolraunum Krists-vitundarinnar, sjáum við að þar sem brennideplar hugarlíkamans eru, þar safnast saman þúsundir og milljónir í stórborgum, og hugræn starfsemi þeirra raskar oft ró þeirra sem kjósa að íhuga Guðs-móðurina í nafni heilags anda.

Engu að síður er það á vígvelli hugans sem barátta ljóss og myrkurs verða að útkljást. Og Ljósið gleypir Myrkrið og það er ekki lengur, og hið sanna ljós, sem upplýsir hvern mann, kom nú í heiminn.

Þið vitið að siðmenningar hafa glatast vegna málamiðlana hugans og ranghugmynda um Guðs-logann. Til að upphefja Guðs-móðurina þarf því endurreisn Krists-barnsins, því það eru börn Guðs-móðurinnar, börn Mú, sem munu endurheimta hina Kosmísku meyju á storðu (Terra). Og ekki nema þau séu íklædd krafti að ofan frá Kristi og heilögum anda, munu þau ekki bera það ljós sem er verndarljós Guðs-móðurlogans.

Kauai er því brennipunktur ljósvakaeðlis hins eldlegs líkama heilags Anda — sem er afsíðis og fjarlægur meginstraumi hinnar ytri vitundar, en engu að síður mjög öflugur sem fohatísk orka.

Orkuskipti eyjanna eru til þess að ná tökum á loga Guðs-móðurinnar. Einmitt þeir sem voru hluti af hinu forna Mú á hnignunarskeiði hennar hafa verið dregnir til þessara eyja til að jafna karma, til að standa vörð um ljósið og til að leiðrétta það sem hefur verið ranglæti aldanna.

Hinar þrjár eyjarnar, Molokai, Lanai og Niihau, sem eru síður mikilvægar í keðjunni, sýna fráhvarf andlegrar vitundar, minni vitund um orsakalíkamann, ÉG ER-nærveruna og Krists-sjálfið, en eru þó mjög til staðar og órjúfanlegur hluti af þeim orkustraumum sem við eigum að leysa úr læðingi núorðið samkvæmt hinni kosmísku tímatöflu.

Athvarf Friðar og Alóha

Athvarf Friður og Alóha er uppi yfir Havaíeyjunum. Friður og Alóha standa fyrir tækifærið sem fæst í gegnum hjartaorkustöðina til að jafna orku Búddha og Guðs-móðurinnar. Friður Búddha virkjar kraft Guðs-móðurinnar.

Við komumst að raun um að tækifærið til að efla friðinn hefur ekki enn verið nýtt. Við áskynjum að friðurinn verður afbakaður í formi sinnuleysis. Við uppgötvum að eyjarnar eru staður þar sem við getum einfaldlega slakað á og lifað lífi í þægindum sem við köllum frið, en það er í raun falskur friður. Við getum talað um frið, en það er enginn raunverulegur friður því friður án sverðs er ekki friður.

Og orðið sverð er einfaldlega skammstöfun fyrir helgað Orð (e. S-acred Word), og án hins helga orðs — sem Havaí-búar eignuðu sér í söngvum sínum, sem Kahuna-ættin náði tökum á, sem höfðu gríðarlegan framköllunarkraft (töframátt).—friðurinn er óvirkur. Og það er ekkert til sem heitir óvirkur friður, því friður er hvíld sem hreyfir við mönnum.

Og þannig er framlag Havaíbúa til allrar plánetunnar úthverfing loga elóhímanna Friðar og Alóha til að ná tökum á magagrófarorkustöðinni (sólarplexus), sem tengist geðlíkamanum og vatnsþættinum. Jesús, sigurvegari fiskamerkisins, kom fram sem fulltrúi vatnsmerkisins og sýndi fram á vald sitt yfir hræringum Guðs-kraftsins með því að sveigja orku sólarplexus að hálsorkustöðinni og tjá vísindi hins talaða Orðs. Jesús notaði orð til sambræðslu kraftaverka sem voru uppfylling kosmísks lögmáls.

Fyrir fólkið sem býr á eyjunum – hvort sem það kemur frá meginlandinu, hvort sem það er afkomandi Havaíbúa eða hvort það er kynblöndun fólks sem kemur frá umhverfingu eldhringsins – þá er áskorun þeirra, vígsla þeirra, að gera frið Búddha að krafti Guðs-móðurinnar. Þegar þetta gerist mun samruni orku Austurs og Vesturs eiga sér stað og inngangur nýrrar menningar og nýldar.

Vatnslíkaminn, löngunarlíkaminn, er öflugastur allra líkama. Virkjun þessa líkama er nauðsynlegt til að Krists-vitund birtist á sjötta geislanum og uppfylli hlutverk sjötta rótarkynþáttarins, sem er ríkjandi í kristinni trú sem er svo útbreidd á jörðinni. Þess vegna er virkjun þessa sjötta ívilnunartímabils og tilheyrandi orkustöð afar mikilvægt fyrir framfarir allrar plánetunnar og komu sjöunda rótarkynþáttarins á meginland Suður-Ameríku.

Við gætum því sagt að það sem gerist á Havaíeyjum verði kjarninn í öllu sem gerist á jörðinni. Og þar sem Maui er miðpunktur geðlíkamans og miðpunktur Guðs-móðurinnar, getum við sagt að það sem gerist á Maui sé kjarninn í því sem gerist í Havaíeyjaklasanum.

Aldingarðurinn Eden

Sumir segja að Hawaii sé miðdepill Aldingarðsins Edens, og margir dulfræðingar eru sammála um að Eden hafi verið paradís Lemúríu og þar hafi fall mannsins átt sér stað með niðurstigningu Guðs-móðurljóssins. Öll þessi atburðarás er lýst í 1. Mósebók í allegóríu (dæmisögu).

Leifar Lemúríu á þessum eyjum, eins og þær voru áður en hvíti maðurinn kom, voru kannski æðsta paradís hreinleikans sem enn var eftir á jörðinni. Havaíbúar voru mikilfengleg, stórkostleg og fögur þjóð. Hins vegar, með komu hvíta mannsins, var það sem hafði tekið hundruð þúsunda og milljóna ára að byggja upp næstum eyðilagt. Íbúafjöldi eyjarinnar féll úr þrjú hundruð þúsund í fimmtíu þúsund öld síðar og sjúkdómar hvíta mannsins drápu þúsundir.

Þetta er þó ekki endilega illt eða slæmt í sjálfu sér. Það er náttúrulegt ferli sem gerist við blöndun þjóða og útbreiðslu þeirra. Karmadrottnar töldu það nauðsynlegt að þessar sálir héldu áfram að þróast með því að tileinka sér þann árangur sem vestræn menning hafði náð. Greiðsluverðið var hátt — sama verð og bandarískir frumbyggjar og íbúar Suður-Ameríku greiddu. En fyrir heildarþróun reikistjörnunnar er þetta óhjákvæmilegt.

Það var einnig nauðsynlegt fyrir menninguna að blandast saman vegna karma-skuldbindinga, og Havaíbúar sem létu lífið við þessar aðstæður endurfæðust á þessum eyjum og einnig á meginlandinu — sumir þeirra í líkömum sem voru kynblanda af hvítum manni og upprunalegum íbúum eyjanna, og sumir í hvítum líkömum til að þróast frekar, til að stuðla enn frekar að endurkomu Guðsmóður-logans á Mú.

Endurreisn Orðsins

Það á fyrir þeim að liggja sem hafa samband við Bræðralagið að kenna þeim sem eru í tengslum við móður jörð, við loga Mú, íbúum þessara eyja, hvernig á að virkja orkustöð friðarins, sólarplexus, frið Búddha, með hinu talaða Orði Guðs-móðurinnar. Havaíbúar var tamt að þylja hið talaða Orð og þeir mundu eftir því frá tímum Mú. Tækifærið til að þylja Orðið verður að endurreisa fyrir þá og það er fyllilega í lagi að þylja söngva, staðfestingar og tilskipanir á havaísku ef hægt er að þýða þær yfir á tungumál þeirra.

Endurreisn Guðs-móðurlogans í Lemúríu

Árið 1976 flutti Sanat Kumara fyrirlestur á Maui fyrir endurreisn Guðs-móðurlogans frá Lemúríu:

Þetta er tímabil þar sem ljósið er í nánd. Þetta er tímabil þar sem logi Mú verður að rísa, knúinn áfram af kalli til ljóss hins kosmíska lögmáls. Þetta er tímabil þar sem vitund Guðs-móðurlogans er vakin í geislunum sjö.

Við komum því í einum tilgangi. Sá tilgangur er að jarðtengja ákveðna fóhatíska lykla í formi rafskauta fyrir spírallaga, hækkandi orku hinna sjö geisla í sjö þáttum Guðs-móðurlogans. Upprisa þessara orkustrauma er frá þeim stað þar sem þær komu niður á jörðina. Staðurinn þar sem Lemúría og ljós Guðs-móðurinnar koma niður verður einnig að vera staðurinn þar sem þetta ljós Guðs-móðurinnar rís.

Sjá einnig

Silfusverð

Til frekari upplýsinga

Ráðstefna sem Elizabeth Clare Prophet hélt á Maui dagana 11. til 13. júní 1976, undir yfirskriftinni „Friður í loga Búddha“; fáanleg á hljóðformi frá www.ascendedmasterlibrary.org.

Heimildir

Elizabeth Clare Prophet, fyrirlestur í Summit University, 17. júní 1976.

Elizabeth Clare Prophet, „Framlag Havaíeyja til menningar vatnsberaaldarinnar,“ 12. júní 1976.