Mighty Victory/is

Hinn vængjaði Sigurvegari, Minnismerki Sigurvegarans, London (1911)

Hinn Voldugi Sigurvegari er alheimsvera frá Venus hvers tryggð við sigurlogann í meira en hundrað þúsund ár hefur veitt honum vald yfir þessum loga um víðfeðmi alheimsins.

Dálæti hans á sigri Krists og hugsanlegum sigri þeirra sem þróast á jörðinni var aðalástæðan fyrir svari hans við ákalli Saint Germains um að veita jörðinni kosmíska aðstoð á þriðja áratug síðustu aldar.

Hinn nýi sáttmáli

Þegar hann kom fram til að standa á bak við frelsismeistarann og til að ljá verkefnum Saint Germains uppsafnaðan sigurstyrk sinn, tilkynnti hann undanþágu Karmadrottnanna frá því að uppfylla hin gömlu dulrænu lögmál fyrir þróun þessarar plánetu. Fyrir vikið er einstaklingum unnt að ganga í gegnum uppstigninguna með því að jafna aðeins 51 hundraðshluta af karma sínu; að öðlast aðgang að ljósvakaathvörfunum á meðan líkamar þeirra sofa á nóttunni þó að karma þeirra gefi ekki tilefni til þess; og að veita fræðslu um ÉG ER-nærveruna í heiminum almennt frekar en að þessum upplýsingum sé haldið frá þeim sem ekki eru færir um að taka sér á hendur hið viðsjárverða ferðalag til athvarfa meistaranna í efnislíkama sínum.

Vegna þess að svo margar alheimsverur komu fram til að aðstoða Saint Germain var bænaskrá hans til Karmadrottnanna fyrir hönd mannkyns jarðarinnar samþykkt og þess vegna njótum við þeirra forréttinda í nútímanum að hafa aðgang að þessari öflugu fræðslu vegna okkar eigin frelsis og allrar plánetunnar. Við heilsum hinum Volduga Sigurvegara og dálæti hans á sigri okkar vegna hollustu okkar við rauðgula skúfinn sem er helgaður mánudeginum því sannarlega er sigurstjarnan stjarna okkar eigin orsakalíkama og einstaklingssigur okkar er sigur kærleikans.

Sigurstjarnan

Hinn Voldugi Sigurvegari hefur tólf meistara sem þjóna með sér auk liðsveita sigurengla. Hinn Voldugi Sigurvegari stendur í miðju sólskífunnar miklu með tólf lærisveina sína á tólf línum klukkunnar og skipar fyrir myndun sexodda stjörnunnar. Meistararnir sem standa á línunum einn, þrír, fimm, sjö, níu og ellefu stíga fram mitt á milli miðju og jaðar hringsins. Þannig er stjarnan mynduð með virkni loga hins Volduga Sigurvegara og hinna tólf sem sýnir að eins og að ofan, svo að neðan er þrígreindi logi hjartans í jafnvægi og verund mannsins sigrar.

Nafn Sigurvegarans

Þegar hann varð fyrst þekktur á jörðinni var Sigurvegarinn nefndur hinn„hávaxni meistari frá Venus. Í einum af fyrirlestrum sínum fyrir munn boðberans Guy W. Ballards útskýrir meistarinn hvernig hann varð þekktur sem Sigurvegari:

Uppstignu meistararnir sem hafa stigið upp frá jörðinni ykkar gáfu mér nafnið „Sigurvegari“ vegna þess að ég hef verið sigursælt í öllu sem ég hef tekist á við! Takmörkun er ekki til í huga mínum eða athafnasemi og hefur ekki verið í gríðarlega langan tíma! ... Ég hef aðeins þekkt sigur í þúsundir alda.

Vorpróf

Þann 26. júní, 1986, sagði hinn Voldugi Sigurvegari okkur frá vorprófum okkar. Hann útskýrði þau á þessa lund:

Á hálfsársfresti hittast Karmadrottnarnir. Reynt er á þolrifin á öllu mannkyni, sérstaklega hjá þeim sem senda skriflega beiðnir sínar til Karmíska ráðsins. Þeir verða því að gangast undir próf í takt við þekkingu sína, vitund og þjálfun, sérstaklega hvað snertir sjálfsþekkingu þeirra á því sem ber að varpa í hinn helga eld. Þessar prófraunir koma sérstaklega fram á þeim sviðum þar sem þið sjálf hafið lengi orðið fyrir barðinu á ákveðnum þáttum mannlegrar sköpunar ykkar sem þið hafið ítrekað verið áminnt um að varpa fyrir róða í hinn helga eld fyrir fullt og allt. Þegar þið standist ekki prófin ykkar þá fáið þig ekki undanþágur né ívilnanir sem þið hafið óskað eftir á hálfsársfresti. Við förum fram á að sýnd sé viðleitni og það eru lokapróf á jörðu eins og á himni [þ.e. takmörk fyrir öllu].

Hinn Voldugi Sigurvegari sagði okkur að ef þið hafið grun um að þið hafið ekki staðist hálfsársprófið ykkar, getið þið áfrýjað til Karmadottnanna um að gefa ykkur annað próf svo að einkunnir ársins sýni að þið séuð staðráðin í því að standast það próf við annað tækifæri.

Lykillinn að sigri okkar

Þann 28. júní, 1992, gaf hinn Voldugi Sigurvegari ásamt Jústínu, tvíburaloga sínum, verklega æfingu til að flýta fyrir sigri okkar. Þau sögðu:

Íhugið þá öll þessi svið í lífinu þar sem þið þráið að vinna sigur.“ Skrifið niður hvert atriði sem þið mynduð ná góðum tökum á. Minnið ykkur sjálf á daglegar skuldbindingar ykkar við sigur ykkar í smáu og stóru. Þið getið kortlagt sigra ykkar og ósigra á lífskortinu ykkar. „Og þið getið sett þessa gullnu borða á þá staði þar sem þið eruð staðráðin í að sigra – sigur yfir sjálfum ykkur og öllum aðstæðum, sigur hjá þessari kirkju, sigur í útbreiðslu kenninganna, sigur hjá þjóðunum, sigur hjá ríkisstjórnum, sigur í menntun, sigur á öllum sviðum lífsins!

Sjá einnig

Jústína

Heimildir

Mark L. Prophet and Elizabeth Clare Prophet, The Masters and Their Retreats, sjá “Victory, Cosmic Being”.