Heimsfræðari

(1) Heimskennari er embætti í helgiveldinu sem uppstignar mannverur gegna sem hafa náð því stigi að vera fulltrúar hins alheimslega og persónulega Krists fyrir óuppstignu mannkyni. Embætti heimskennara, sem Maitreya gegndi áður færðist til Jesú og lærisveins hans heilags Frans frá Assissi, (Kúthúmi) þann 1. janúar 1956. Þá yfirfærðist möttull heimsdrottins sem Sanat Kúmara bar til Gátama Búddha og embætti hins kosmíska Krists og Búddha jarðarinna (áður í höndum Gátama) tók drottinn Maitreya við.

Sem eftirmenn og þjónar Drottins Maitreya er það verkefni Jesú og Kúthúmi að leggja fram kenningar uppstignu meistaranna á komandi 2150 ára tímabili vatnsberaaldarinnar sem leggur grunninn að því að einstaklingurinn nái valdi yfir sjálfum sér og öðlist Krists-vitund. Þeir eru bakhjarlar allra sálna sem leitast eftir sameiningu við Guð. Þeir kenna lögmál orsaka og afleiðinga sem stjórnar karma hvers manns og hvernig megi ná tökum á áskorunum sem við stöndum frammi fyrir dags daglega hvað varðar dharma okkar, hina guðlega köllun. Það er sú skylda sem hver einstaklingur hefur gagnvart sjálfum sér, að þroska meðfædda hæfileika sína og birta guðdóm sinn innra með sér og öðlast Krists-fyllingu með helgistarf.

Heimsfræðarnir hafa í gegnum tíðina stutt við bakið á menntun sálna í ljósi Krists á hverju æviskeiði, allt frá forskóla og grunnskóla, til menntaskóla og háskóla. Þeir hafa innblásið kennurum, heimspek-ingum, vísindamönnum og listamönnum, faglærðum sem ófaglærðum visku aldanna eftir því sem við á hverju sinni, og fært öllum menning-um og þjóðum hinar margvíslegu hliðar Krists-vitundarinnar.

(2) Hugtakið "heimskennari," með litlum staf vísar til lærisveins í holdinu sem hefur þá æviköllun að stuðla að uppljómun plánetunnar undir stjórn alheims-Krists. Þetta heiti er lýsandi fyrir heilgistarf sem lærisveinn hefur helgað sér. Það er ekki vísbending um árangur hans né að hann hafi endilega náð þeirri hæfni að deila með Jesú og Kúthúmi embætti þeirra og möttli.

Heimildir

Mark L. Prophet and Elizabeth Clare Prophet, Saint Germain On Alchemy: Formulas for Self-Transformation.