Altari

Altarið í hirð Arthúrs konungs í Innra athvarfinu (e. Inner Retreat).

Altarið er staður breytinga, umbreytinga og alkemíu, þar sem allar umbreytingar eiga sér stað samkvæmt lögmáli Guðs.

El Morya segir:

Þess vegna, ástkæru vinir, er enginn staður sem þið getið farið á máttugri en að altari ykkar. Við höfum útbúið fyrir ykkur ferðaaltari svo þið getið brotið það saman, sett það í bakpokann ykkar, verið á ferðinni og sett það síðan upp á áfangastað ykkar. Hvar sem þið eruð getið þið skapað ykkar eigið orkusvið, jafnvel þótt þið hafið ekki nema lítinn kristal sem bikar fyrir logann. Hvert sem þið farið getið þið reist Guði, Jahve, altari, eins og Abraham, Ísak og Jakop og börn Ísraels gerðu í eyðimerkurráfi sínu. Já, hjartkæru vinir, þetta er leiðin.

Til er innra altari hjartans og það er ytra altari þar sem þú færir bænir þínar, sem þú getur sett upp hvenær sem er og hvar sem er. Kennið börnum ykkar þetta. Kennið börnum ykkar, ástkær, að altarið sé staðurinn þar sem Guð og maður mætast fyrir tilstilli loga sáttmálsarkarinnar. Ég bið ykkur að ganga oft að altarinu og hlúa að loganum á altari hjarta ykkar, því þessi iðkun mun leiða til mikilla breytinga á jörðinni.

Til að setja upp einfalt altari á heimili þínu skaltu byrja á borði eða kommóðu sem þakin er hvítum dúk, helst úr líni. Hengdu Myndina af þínu guðlega sjálfi miðsvæðis fyrir ofan altarið með andlitsmyndum Charles Sindelar af Saint Germain og Jesú Kristi til hægri og vinstri. Settu slípaðan gler- eða kristallskál (e. chalice) eða einfalda skál í miðju altarisins og kerti kveikt hvoru megin. Þú gætir viljað bæta við stykkjum af ametýst eða náttúrulegum kvarskristal, Biblíunni og völdum bókum um lögmálið — Climb the Highest Mountain, The Lost Years of Jesus, The Lost Teachings of Jesus I og II. Settu innrammaða ljósmynd af boðberanum Mark L. Prophet þeim megin sem Jesús er á altarinu og innrammaða ljósmynd af boðberanum Elizabeth Clare Prophet þeim megin sem Saint Germain er. Þú getur líka bætt við ferskum blómum eða silkiblómum og völdum styttum af dýrlingum úr austri og vestri, en gættu þess að hafa altarið ekki of hlaðið.

Heimildir

Perles de sagesse, vol. 37, num. 12.