María Montessori

María Montessori

Hinn uppstigni kvenmeistari María Montessori er chela-nemi Maríu guðsmóður og ber möttul hennar. Hún hefur sett fram grundvallaratriði menntunar sem hinir uppstignu meistararar hafa útbúið fyrir vatnsberaöldina. Hún var boðberi helgivaldsins í menntunarmálum og fékk fræðslu sína frá Maríu guðsmóður og frá Jesú og Kúthúmi.

María Montessori fæddist á Ítalíu árið 1870 og varð fyrsti kvenlæknir Ítalíu. Þegar hún starfaði sem læknir í Róm fékk hún það verkefni að sjá um leikskólabörnin í fátækrahverfum borgarinnar. Með því að fylgjast með börnunum þróaði hún það sem er orðið þekkt sem Montessori uppeldisaðferðin.

Montessori upppeldiaðferðin fyrir menntun

María Montessori uppgötvaði að börn hafa mjög mismunandi og einstaka eiginleika sem enginn hafði tekið eftir. Hún komst að því að hægt er að leysa úr viðjum þessa eiginleika og virkja þá í réttu umhverfi við réttar aðstæður.

Eitt af því fyrsta sem hún tók eftir í umgengni við börn var að þau vildu frekar vinna en leika sér. Börn eru mjög dugleg og ef vinnan er skipulögð geta þau þróað innra mynstur sem stuðlar að þroska þeirra.

Börn hafa mikla einbeitingu og gríðarlegt dálæti á reglufestu. Börn á aldrinum tveggja til sjö ára eru mjög helgisiðasinnuð. Þau eru hneigð fyrir að gera hlutina í röð og reglu. Markmið barnsins er ekki að vinna verkið heldur að vinna það markvisst. Montessori skildi að þessi tilhneiging til reglu og röklegs samhengis sem þróast í barninu með virkri hreyfingu og athafnasemi sem síðan eykur getu barnsins til að læra, einbeita sér og læra.

Montessori komst að því að börn hafa næmt snertiskyn, að þau læra meira með höndunum en þau læra jafnvel með augunum og því þróaði hún kerfi sem eflir skynþroska. Börnum líkar vel við að geta valið á milli fleiri kosta. Montessori kennslustofan er hönnuð til að leyfa hverju barni að velja kubbasamstæðu eða þjálfunarefni sem það mun síðan nota á þeirri tilteknu tímasetningu — það er ógleymanleg stund — þegar sál þess er tilbúið til að þroskast á því tiltekna sviði.

Börn á aldrinum tveggja og hálfs til sex ára eru öll í einni kennslustofu þannig að yngri börnin geti séð lengra komið starf eldri barnanna og lært af fordæmi þeirra. Hlutverk Montessori kennara er að beina barninu að æfingunum.

Í Montessori kennslustofu finnur þú lítil börn við borðin sín sem eru upptekin í langan tíma og einbeita sér að viðfangsefnum sínum. Þau hafa ótrúlegan einbeitingarkraft. Þau læra stærðfræði með hlutbundnum búnaði eins og perlum eða kubbum sem eru hönnuð til að kenna tengsl talna og magns. Þau læra að skrifa og lesa, en gera það eftir eigin forskrift að sínum einstaka innri þroska. Ekki er hægt að þröngva börnum eða reka á eftir þeim til að gera eitthvað sem er þeim ekki auðsótt eða eiginlegt. Hlutverk kennarans er að hvetja til sjálfstæðs náms þar sem barnið hlustar á sinn eigin innri kennara. María Montessori uppgötvaði að kall barna um allan heim er: "Hjálpið mér að gera það sjálf."

Allt þetta opinberaðist Maríu Montessori af börnunum sjálfum. Hún sagði að það eina sem hún gerði væri að fylgjast með börnunum og þau kenndu henni aðferðina.

Montessori aðferðinni er ætlað að draga fram vaxtarbrodd barnsins í Kristi þar sem barnið fylgir stefnu innri kennarans og velur í kennslustofunni ákveðinn búnað og æfingar sem henta til að uppfylla innri andlegar þarfir barnsins og til að ná innri árangri. Samtengd frelsi og reglufesta í Montessori kennslustofunni er hin sanna menntun á vatnsberaöld.

María guðsmóðir veitti Maríu Montessori innblástur að þessari uppeldisaðferð. María guðsmóðir útskýrði að þetta væri aðferðin sem hún hafði fundið upp með Elísabetu til að kenna Jóhannesi skírara og Jesú þegar þau voru börn.

Bylting í menntunarmálum

Guð og gyðjan Merú hafa sagt:

Þannig skulum við skilja að María Montessori var að sínu leyti talsmaður byltingar í menntunarmálum og þið eruð það líka að ykkar leyti þegar þið eruð starfstæki Krists-sjálfs ykkar. Sama má segja um aðra á öllum sviðum menntunar í Ameríku og heiminum. Þegar þið tínið bestu ávextina af menntunartrénu finnið þið að þið eruð með körfu sem er þóknanleg ekki aðeins hinum uppstigna kvenmeistara Maríu Montessori, heldur einnig Maríu guðsmóður og Mögdu og Jesú og Jóhannesi skírara þar sem þessi aðferð var þróuð einmitt fyrir þau.

Og þess vegna getið þið ekki fylgst með byltingunni nema þið endurnýið ykkar eigin þroskabrautir í huganum — nema þið skiljið að á hverju ári eru betri skilyrði til vaxtar og þroska á meðal barna og önnur leið til að læra vegna þess að heimsstjörnukort breytast, vegna þess að aldafarið breytist, árin breytast, blessanirnar streyma niður.

Heimildir

Mark L. Prophet and Elizabeth Clare Prophet, The Masters and Their Retreats, sjá “Maria Montessori”.