Virgo og Pelleur

„Virgó og Pellör“ eru stjórnendur frumþáttar (höfuðskepnu) jarðar. Þau eru móðir og faðir jarðarinnar og dverganna. Þau vinna með yfirstjórnendum vogar, sporðdreka og bogmanns til að kenna mannkyninu að ná tökum á efnislíkama sínum; og með yfirstórnendum steingeitar, nauts og meyju til að kenna þeim að ná tökum á frumþætti jarðarinnar.

Virgó og Pellör eru kosmískar verur sem ríkja frá jafnþrýstingssólinni í miðju jarðar og beina geislum orsakarlíkamans í gegnum frumþátt jarðarinnar. Á gullöld fyrstu þriggja rótarkynþáttanna var sá þáttur gegnsær, hreinn eins og kristall í regnbogalitum, en eftir að vitund mannkynsins féll niður á tvíhyggjusviðið tók frumþáttur jarðar á sig þéttleika og þykkni vitundar mannsins á sama hátt og frumþættir vatnsins og loftsins.

Karmísk byrði náttúruvættanna

Árið 1980 sögðu Virgó og Pellör okkur að „það væru milljarðir á milljarðir ofan af dvergum sem annast hringrás jarðarinnar á fjórum árstíðum og hreinsa plánetuna af eitri og mengunarefnum sem eru svo hættuleg fyrir líkama manna, dýra og plantna.“ Þeim var mjög umhugað um byrðarnar sem þjökuðu höfuðskepnurnar (náttúruvættaríkin) og þörfina fyrir fjólubláa logann til að koma í veg fyrir breytingar á jörðinni: „Á fyrri öldum þegar sundrungin, dauðinn og sjúkdómarnir sem mannkynið skapaði sjálft hafði náð meira umfangi og stærðum en náttúruvættirnir gátu afborið, fékk sjálf náttúran krampakast,“ eins og hún gerði þegar „höfuðskepnurnar leystu úr læðingi uppsprettur djúpsins og ollu með því miklu flóði sem leiddi til þess að meginlandið Atlantis sökk og Nóaflóðið....

Þá og því aðeins að mikil aukning verði á mettun jarðarlíkamans með fjólubláa loganum vegna margföldunar á áköllum Vörslumanna logans, þá munu á þessum áratug verða miklar umbyltingar á jörðinni, breytingar á veðurskilyrðum og jarðskjálftar sem leiða til mikils manntjóns sem og varanlegra breytinga á landfræðilegu yfirborði jarðar.

Við höfum séð þetta gerast í vissum mæli og Saint Germain hefur sagt að ekki nógu mikið af fjólubláa loganum hefur verið kallaður fram sem þróun jarðar kallar á til að umbreyta karmanu að fullu. Þegar fólkið sendir ekki fram ljós fjólubláa logans, þá er það náttúran sem verður að framkvæma umbreytinguna. Umbreyting náttúrunnar á byrðum heimskarma sem eru of erfiðar til að bera eru hamfarir. Þess vegna höfum við séð miklar hörmungar við aldalok.

Skjáskot úr Walt Disney myndinni Mjallhvíti og dvergarnir sjö (1937)

Dvergarnir og þjónusta þeirra

Virgó og Pellör hafa lýst dvergunum og þjónustu þeirra:

Verurnar sem þið kallið dverga, en ímynd þeirra hefur verið gerð dvergvaxin í sögunni um Mjallhvít og dvergana sjö og í öðrum ævintýrum, eru í raun frá 8 cm háum álfum sem leika sér í grösunum, til 90 cm hárra dverga, allt til tröllanna sem finna má í hinum stóru fjallasölum fjallkonungsins og drottningarinnar sem Grieg glitti í og lýst er í tónverki hans sem hann tileinkar hinum sérstöku dvergum Noregs og Norðmanna.

Það eru risar á meðal höfuðskepna jarðar. Þetta eru öflugar verur sem ráða yfir eldi frumeindanna og sameindanna og halda jafnvægi fyrir heimsálfurnar í gegnum hamfarir, flóð og elda. Elóhím skapaði þessa þróun til að viðhalda vettvangi hinnar miklu tilraunar í frjálsum vilja sem Guð tileinkaði börnum sínum sem hann sendi út í plánetukerfin til að vera frjósöm í Krists-vitundinni og margfalda birtingu Guðs í afkvæmum sínum og í verkum handa þeirra.

Þar sem dvergarnir eru fulltrúar heilags anda og eru miðlarar kærleika huggarans í gegnum fegurð og umhyggju náttúrunnar fyrir börnum Guðs, þá eru til aðrir náttúruvættir sem eru fulltrúar fyrir embætti föðurins, sonarins og móðurinnar. Þannig eru jafnvel í lægri ríkjum plánetunnar fulltrúar hinna fjögurra kosmísku krafta sem Esekíel og Jóhannes sáu fyrir sér.

Hinir voldugu dvergar, blíðir og miskunnsamir, eru í eðli sínu eins og uxar sem þreskja kornið, hin miklu burðardýr karma mannkynsins. Af fórnfýsi afneita þeir sér jafnvel uppfyllingu sinnar eigin þróunar til þess að maðurinn, sem æðsta birtingarmynd Guðs, geti haldið áfram að fá tækifæri til að sanna lögmál náðarinnar og ganga inn í helgi vorsins í sönnum anda upprisulogans.

Dvergar sem hafa fullnumið sig innan frumþáttar jarðarinnar

Pellör hefur lýst dvergum sem eru miklir fullnumar:

Elsku vinir, ef þið gætuð hitt dvergana sem eru fullnumar í frumþætti jarðarinnar — þá dverga sem hafa haldið sér lausum við afskipti svartagaldursmanna og fallinna sálna sem hafa hneppt stóra hluta af ríki dverganna í þrældóm — mynduð þið hitta alkemískar gullgerðarverur af frumþætti jarðarinnar og þið mynduð hitta í þessum blessuðu verum, sem hafa komið með mér í dag, ráð máttugra ráðgjafa sem skilja sálarlíf og sál mannkynsins og barna ljóssins, dragbítana og hina föllnu holdi klædda. Því þessir dvergar ráða ríkjum í jörðinni og í hjarta jarðarinnar er vitund mannsins skráð.

Og þess vegna, ástkærir, eru þessir gullgerðarmenn hins helga elds meistarasálfræðingar, sem einnig hafa fengið þjálfun sína frá uppstigna meistaranum Kúthúmi og frá gúrú-meistaranum á undan honum og fyrirrennara þeirra. Því að þessir blessuðu dvergar hafa verið til staðar frá tímum Lemúríu, og með færni sinni á vígsluleiðinni hafa þeir ekki farið í gegnum endurvinnslu við árstíðaskiptin, eins og aðrar náttúruvættir elds, lofts, vatns og jarðar verða að gera — yfirgefa jarðarlífið og færast inn í eldkjarna tilverunnar, frá formleysi til forms, í gegnum umbreytingu sem birtist sem dauði en er aðeins tilfærsla á orku til hærri og æðri birtingarmyndar huga, Drottins, lögmáls náttúruvættanna.

Elsku hjartans vinir hins lifandi loga, þess vegna eru ráð dverganna og þeir sem þjóna meðal þessara helgivelda sér vel meðvitaðir um að truflanir í náttúruvættaríkinu og innan jarðarlíkamans, sem birtist í sköpunarmynd stríðs og allrar óeiningar, sem afleiðing sektarkenndar í kjarna vitundarinnar — sektarkenndar vegna upprunalegs aðskilnaðar frá Guði, sektarkenndar vegna misnotkunar á lögmáli hans, sektarkenndar vegna höfnunar á gúrú-meistaranum drottni Maitreya og öllum síðari birtingarmyndum óhlýðni og uppreisnar.

Ástkæru ljósberar, þess vegna stíga hinir blessuðu dvergar fram í dag með bæn til chela-nema hins helga elds ... um meiri og meiri áköll til fjólubláa logans og að rafskauti Guðs-hugans verði komið á fót innan þessa kraftsviðs, frá athvarfi hins uppstigna meistara Cuzcós til að halda jarðstraumunum í Suður-Kaliforníu í jafnvægi, í vötnunum undir jörðinni og undir sjónum og innan gasbeltanna.

Hverjum Vörslumanni logans verður úthlutað einum dvergi

In 1991 sagði Pellör:

Ákveðinn hópur dverga er í samfylgd minni í dag sem ... þekkja mannkynið, vegferð þess og verk. Þeir hafa fengið sérstaka þjálfun til að taka þátt í starfsemi þessa samfélags. Þeir hafa verið undirbúnir til að aðskilja sig frá hópum okkar og sameina krafta sína með Vörslumönnum Logans sem telja það raunhæft að strengja þess heit í dag að fórna þó ekki væri nema tíu mínútum af sólarhringnum á dag til að fara með sérstök möntrufyrirmæli fyrir hönd náttúruvættanna.

Því er hverjum og einum úthlutað dverg í tilraunarskyni. Þessi dvergur mun vera sem aðstoðarmaður. Þessi dvergur mun taka við ábeiningum frá ykkur og einnig veita ykkur vísbendingar frá mér og ástkærri Virgo sem leiðbeiningar um hvað þarf að gera á plánetunni til að viðhalda jarðneskri tilveru. Þessir dvergar munu aðstoða ykkur þegar þið kallið fram fjólubláa logann fyrir hönd náttúruvætta elds, lofts, vatns og jarðar, rétt eins og þeir munu kalla á aðra náttúruvætti sem þeir þjálfa til að fara með möntrufyrirmæli og kalla fram fjólubláa logann.

Uns drottinn og frelsari þeirra Jesús Kristur hefur veitt dvergunum og náttúruvættunum þrígreindan loga sinn, verða þeir að fara með áköll undir verndarvæng og möttli einstaklingsbundinnar Krists-verundar ykkar, einstaklingsbundins þrígreinds loga ykkar. Þess vegna er það jafn gagnlegt fyrir dverginn að þið takiið við honum eða henni og það er fyrir ykkur að dvergurinn taki við ykkur. Það er gagnkvæmur samningur, ef svo má að orði komast.

Pellör og Virgó eru þekkt sem jarðfaðirinn og jarðmóðirin. Virgo er einnig stundum kölluð Prosperína.

Sjá einnig

Náttúruvættir

Heimildir

Mark L. Prophet and Elizabeth Clare Prophet, The Masters and Their Retreats, sjá “Virgo and Pelleur.”