Mars/is

Litmynd af Mars tekin af Rosetta geimfari Evrópustofnunarinnar

 
Hluti af greinaröð um Sólarkerfi

---

   Sólin    Helíos og Vesta Musteri sólarinnar Sólblettir

---

   Reikistjörnur    Merkúr Venus Frelsisstjarnan (Jörðin) Mars Júpíter Satúrnus Úranus Neptúnus Plútó

---

   Fyrrum plánetur    Tíamat Hedron Maldek

---

   Aðrir hnettir    Tunglið Lilið Vúlkan Smástirni Halastjörnur Halastjarnan Kóhoutek

Uppstignir meistarar kenna að reikistjarnan Mars fari með umboð hinnar guðlegu móður og mænurótarstöðvarinnar við hrygginn (mūlādhāra). Boðberinn hefur lýst Mars sem „hvítu hveli ofsafenginnar eldlegrar orku sem stafar frá hinni guðlegu móður.“

Fyrir löngu beindist öfugþróun á Mars að því að brengla hið hreina hvíta ljós Guðs-móðurinnar í stríði og að því að misnota hinn helga eld. Með misnotkun á frjálsum vilja og mænurótarstöðinni, brengluðu þeir Guðs-móðurljósinu í því sem við köllum „misbeiting marsorkunnar“. Stríð og önnur ofbeldisfull átök koma einnig fram í sveiflutíðni og áru Mars.

Afmyndun marsorkunnar

Misbeiting marsorkunnar getur komið fram í gegnum hvaða orkustöð sem er en tengist sérstaklega misbeitingu Guðs-móðurljóssins í mænurótarstöð hryggjarins. Það getur falið í sér: árásargirni, reiði, hroka, rifrildi, ásakanir, æsing, sinnuleysi, trúleysi, tortímingu, pirring, ágengar meiningar; gagnrýni, fordæmingu og dómhörku; illkvittna, fávísa, tilfinningasama og nautnafulla segulmagnaða kynorku; and-amerískar, and-föður-, and-móður-, and-Krists og and-heilags anda birtingarmyndir í öllum fjórðungum efnissviðsins (á sviðum hins líkamlega-, geðræna-, huglega- og andlega).

Sú staðreynd að svo margar af þessum misbeitingum byrja á bókstafnum „A“ [á ensku] gefur til kynna að þær séu einnig afbökun á ljósi föðurins, Alfa. Boðberinn hefur útskýrt að „fjölskyldumeðvirkni“ sé önnur birtingarmynd marsorku. Það er að segja mannleg tengsl byggð á blóðböndum frekar en andlegum böndum. Stríð og önnur ofbeldisfull átök koma einnig í gegnum orkutíðni og áru Mars.

Hin öfgafulla misbeiting marsorkunnar er sköpun hins vélræna manns, hinnar guðlausu sköpunar (sjá skilgreiningu hins Guðdómlega mikla stjórnanda, The Mechanization Concept, Pearls of Wisdom, 8. bindi, nr. 3–26; einnig í útgáfu Mark L. Prophet, The Soulless One: Cloning a Counterfeit Creation).

Líf á Mars

Verur sem búa á Mars eru á geðheimasviðinu, ekki efnisplaninu eins og gefur að skilja. Mikael erkiengill hefur veitt svipmynd af þeirri plánetu:

Endalykt Guðs-móðurlogans, ef það gerist eins og á fyrri öldum, er ringulreið og stjórnleysi, þar sem reikistjörnur (eins og Mars) má smætta niður í flokka manna með einkaheri sína sem taka sér stöðu hér og þar, krefjast landsvæðis síns og berjast hver gegn öðrum. Þetta er hræðileg staða, verri en á tímum lénsherranna.

Marsbúar í þessu sólkerfi hafa orð á sér fyrir að vera stríðsgjarnir, vélrænir og hafa umsnúið orku Guðs-móðurinnar til misnotkunar á kjarnorku. Sumt af þessari öfugþróun á Mars hefur birst á Jörðinni, á sama hátt og við höfum birtingarmyndir hér frá hverri plánetu í þessu sólkerfi og smástirnabeltinu sem og frá plánetum og stjörnum langt handan sólkerfisins okkar. Jörðin er á krossgötu margra þróunarmynda.

Mars og tunglmóðirin

Kúthúmi útskýrir tengslin milli Mars og Tunglmóðurinnar:

Með örri misbeitingu tunglorkunnar hafa hinir föllnu skapað í stað menningar Guðs-móðurinnar vélræna tunglómenningu, samfélag og félagsfræði á hinu lægra geðheimasviði — og allt þetta fyrir tilstilli áhrifa Tunglmóðurinnar sem hefur afnumið agaþjálfun hvíta ljóssins frá lærisveinunum og sett hernaðarstefnu Marsbúa í öndvegi í þessum hvíta eldkjarna sólkerfisins þar sem geislarnir sjö og áttundi geislinn eru brenglaðir.

Tunglmóðirin hefur lagt undir sig Mars með sínu falska helgiveldi. Þegnar hennar vilja nú leggja undir sig Jörðina. Þeir vilja flytja örverur illskunnar frá þeim stað þar sem þeir hafa alið af sér illskuna yfir á næsta stað sem þeir vilja leggja undir sig. Þetta gerist meðal annars þegar við beinum athygli okkar að Mars. Að senda farartæki frá þessari plánetu til Mars beinir athygli fólks að þeirri plánetu og þessi athygli myndar bogann þar sem geðorkusvið Mars umsnýst til Jarðar.

Krafta fjórða geislans þarf til að ráða niðurlögum Mars. Þar eru fremst í flokki: Serapis Bey, Hreinleiki og Astrea, Erkiengillinn Gabríel, Guðlega móðirin og allar liðsveitir hinnar stórfenglegu Kalí, Maríu guðsmóður og Kvan Jin.

Mars og sigur Jarðar

Zaraþústra hefur útskýrt hvernig örlög reikistjarnanna í sólkerfinu tengjast:

Elsku vinir, ef eftirbátarnir á þroskabrautinni hafna niðurstígandi ljósinu eða neita að meðtaka það á nokkurn hátt eða brengla það með krafti hels og dauða eða velja að beina því frá sér og þar með ná sér niður á óvildarmönnum sínum og þjóna blóðhefndum sínum, þá munu þeir verða útilokaðir. Og þið munið sjá aðskilnað ljósvakasviðsins frá jarðsviðinu. Og þeir sem eru af ljósinu munu ganga inn í ljósvakalíkamann og aðskiljast hinum eins og kjarninn er aðskilinn frá hisminu, eins og hýði utan af ávexti er fjarlægt. Og ljósberarnir munu snúa aftur til paradísarvistar í ljósvakaáttundinni og gullöldin mun taka við. Og jarðarskelin sjálf mun því verða ein af þessum hrjóstrugu plánetum, því þetta er nákvæmlega það sem hefur gerst á Venus og á Mars.

Þér ástkæru, skiljið því að þróun ljóssins á sér stað á ljósvakasviðum í mótsetningu við slíður þessara plánetuheimkynna sem virðast hrjóstrugar eða líflausar eða of heitar, eða loftslagsaðstæðurnar eru óæskilegar eða óbyggilegar eða ófærar til að viðhalda lífrænum skilyrðum.

Skiljið, mín ástkæru, að eitt af öðru hafa plánetuheimkynni verið eyðilögð. Og þess vegna þráum við að verða ekki vitni að aðskilnaði ljósvakalíkama jarðarinnar heldur að styrkleiki ljóssins sem stígur niður skuli knýja meirihluta þróunar jarðarinnar til að velja að lifa á gullöld. Og ef svo er, ástkærir, og hin raunverulega, efnislega jörð ætti að ganga inn í hina miklu gullöld, þá myndi það valda keðjuverkun fyrir umbreytingu alls sólkerfisins aftur í upprunalegan, óspilltan hreinleika sinn á þeirri áttundarvídd ljósvakans sem hægt er að lækka niður í efnislegu víddina.<ref>Zarathustra, “A New Day: The Demagnetization of Earth,” Pearls of Wisdom, 28. bindi, nr. 48, 1. desember 1985.

Í stjörnuspeki

Stjörnuspekingar sjá Mars sem virka athafnasama reikistjörnu sem stjórnast af löngunum. Mars hrærir í orku sem leiðir til athafna, en orkan fer þangað þar sem langanirnar eru og það er ákveðin tegund athafna sem þið munuð taka þátt í. Með því að tengja langanir okkar við stjörnu hinnar voldugu ÉG ER Nærveru okkar, getum við riðið á vaðið og unnið bug á Mars — við getum „beislað ótemjuna“ og nýtt okkur sanna sköpunarelda Mars, hinn hreina hvíta eld Guðs-móðurinnar.

Í hvert skipti sem við sjáum afstöðu Mars í stjörnukorti okkar verðum við að ákveða að vinna „Mars-sigur“ til að láta ekki rangfærslurnar yfirbuga okkur. Með því að ná tökum á Mars-orkunni getum við borið sigur úr býtum í hvítum eldi Guðs-móðurinnar.

Sjá einnig

Misbeiting marsorkunnar

Heimildir

Elizabeth Clare Prophet, 29. febrúar, 1976.

Elizabeth Clare Prophet, 29. júní 1988.

Elizabeth Clare Prophet, 18. nóvember 1988.

Pearls of Wisdom, vol. 35, no. 55, 21. nóvember 1992.