Mary, the mother of Jesus/is

María guðsmóðir eftir Ruth Hawkins

María guðsmóðir er kven-erkiengill á fimmta geislanum og tvíburalogi Rafaels erkiengils.

Þjónusta á Venus

Þó að María sé erkiengill hefur hún líka fæðst í holdinu. María hafði viðdvöl á Venus áður en hún fæddist á jörðinni þar sem Karma-drottnarnir fólu henni að veita mannkyninu fulltingi við að reisa kvengeislann eftir fall Evu. Þar þjónaði hún á meðal þeirra þróunarvera sem beina kröftum sínum að ljósvakasviðinu, sem hafa haldið uppi, með sáttar- og kærleikslögmálinu, menningu Móður-gyðjunnar í þúsundir ára.

Eftir langa dvöl á Venusi var María reiðubúin að koma til jarðarinnar og takast á við misbeitingu mannkynsins á hinum kosmíska heiðursloga – og óhlýðni við eldkristals-spíral-lögmál Guðs sem heldur við sjálfum hreyfingum frumeindanna og takti himintungla. Hún kom með vænan skammt af eldmagni kven-meistara Venusar og innblásin kærleika hennar þar sem Maríu bar að endurleysa kvenlegt eðli mannkynsins.

Æviskeið á jörðinni

Atlantis

Í árdaga Atlantis þjónaði hún í Heilunarhofinu, hlúði að loganum og lærði lækningalistir og þær greinar sem nauðsynlegar eru til að kalla fram umbreytingar. Á þeim tíma tileinkaði hún sér mikla einbeitingu og helgaði sér hina flekklausu ímynd. Vitund hennar og bænakraftur meira en nokkuð annað hélt uppi loganum í musterinu og jók áhrif þess um Atlantis. Hreinleiki hjartaloga hennar og hollusta skein úr andliti hennar og var augljós öllum þeim sem gerðu sér tíðförult í musterið. Hún var hofmeyja allt það æviskeið.

Móðir Davíðs konungs

Á dögum Samúels spámanns var María kölluð til að vera kona Ísaí og móðir átta sona hans. María hefur alltaf sinnt hlutverki sínu sem móðurgeislinn á jörðu. Á þessu æviskeiði (holdtekju) sálar sinnar á jörðu magnaði hún ljós hinna sjö geisla Krists í fyrstu sjö sonum Ísaí. En hjá þeim yngsta, Davíð konungi vegsamaði hún ekki aðeins alla dyggðirnar úr sjö ljósbrotum Drottins (sem mynda geislasviðin sjö) úr prisma Drottins heldur einnig þá tign og færni yfir áttunda geislanum sem Davíð sýndi í stjórnartíð sinni og vegsamaði í sálmum sínum.

Davíð sjálfur var ein af endurfæðingum Jesú og því hafa Ísraelsmenn aðgang að kenningum þess sem hefur náð Krists-færni í Davíðsálmunum á meðan hinir "heiðnu" (gentile) kristnu menn íhuga einnig hugleiðingar frelsarans (í Nýja testamentinu). Allar þessar kenningar Krists stefna að sama markmiði sem koma frá honum sem er þekktur bæði sem konungur Ísraels og hinnar Nýju Jerúsalem. Og það er því ekki að undra að í dag biðja kristnir menn í loftsalnum á efri hæðinni á staðnum þar sem Jesús og lærisveinarnir héldu upp á síðustu kvöldmáltíðina með útsýni yfir Jerúsalemborg þar sem Kristur birtist eftir upprisu sína og þar sem niðurstigning hins heilaga anda átti sér stað. Og á neðri hæð sama húss er musteri þar sem Gyðingar tilbiðja við gröf Davíðs. Það kemur ekki heldur á óvart þeim sem lofa nafn Maríu guðsmóður sem mæðraði bæði hinn gyðinglega og kristna sáttmála.

Bjarg-meyjan, Leonardo da Vinci (1483–86)

Hin heilaga fjölskylda, Rafael Flores (1857)

Móðir Jesú

Í síðustu endurfæðingu sinni kom María fram undir stjórn helgiveldisins, valin af Guði til að bera Jesú Krist sem myndi sýna fullkomna færni í notkun gullgerðarlistarinnar (alkemíunnar) og þann sigur sem sérhver maður verður að ná yfir synd, veikindum og dauða. Snemma í barnæsku var henni komið fyrir í musteri til að þjálfa sig í vísindum hinnar flekklausu ímyndar. Tvíburalogi hennar, Rafael erkiengill, ásamt englahersveitum og guðinum og gyðjunni Merú, aðstoðuðu hana við að ná fullum þroska sem holdgervingur móðurhyggjunnar til að undirbúa vitund hennar fyrir að vera móðurkviður fyrir sæði Krists.

Á æskuárum sínum beislað María í ytri vitund sinni og á innri stigum þá uppsafnaða krafta sem hún hafði þróað fyrir ævalöngu á Atlantis áður en hún endurfæddist sem móðir Jesú. Þegar María var enn ung stúlka var Jósef (sem ein af fyrri endurfæðingum Saint Germains) sendur til að vera vörslumaður og verndari Maríu og Jesú. Saman mynduðu myndaði hin heilaga fjölskylda hinn þrígreinda loga sem var ekki aðeins grundvöllur fjölskyldueiningar heldur einnig fyrir hinn kristna sáttmála.

Í þúsundir ára áður en María endurfæddist á jörðinni hafði hún hafði magnað í verund sinni krafta fimmta geislans og fullnumið sig í að hafa hina fullkomnu ímynd hugfasta sem markaði frumdrögin fyrir vitund Krists. Það gerði hún með því að kalla fram þessa sérstöku krafta sína sem svöruðu kröfum tímans – sem koma til skjalanna hvort sem blóm, musteri, logi, listaverk eða heil siðmenning á í hlut. Hvað sem á að kalla fram þá verður að vera til staðar einn lífsstraumur (einstaklingur) sem helgar sér birtingu þess, sem sér fyrir sér þætti þess og í gegnum vitund hans streymir orkugefandi kraftur heilags anda til þess að gefa hinni nýju birtingu form og líf. Þetta er virkni fulltrúa hins kvenlega geisla að kalla fram móðurhyggju guðdómsins. María gegndi þessu hlutverki fyrir Jesú og þess vegna kom hreinleikin, krafturinn og kærleikurinn í gegnum vitund hennar sem gerði Jesú kleift að uppfylla hlutverk sitt.

Á síðustu þremur árum þjónustu hans, eftir að hann sneri aftur frá Austurlöndum fjær þar sem hann nam við fótskör gúru-meistara síns, drottins Maitreya, í Himalajafjöllum áður en Jesús sneri sér að því að opinbera köllun sína. Þetta tímabil var mikil prófraun fyrir Maríu og aðeins slagkraftur hennar á fimmta geislanum gerði henni kleift að móta farveginn fyrir sigrinum allt til endaloka.

Síðari ár

Eftir fjörutíu daga tímabil þar sem Jesús birtist postulunum og hinum heilögu konum í efri herberginu safnaði María saman innsta hring hollvina sem höfðu öðlast undirbúnig fyrir vígsluathafnir launhelganna, sem söfnuðust oft saman til að fá fræðslu, til að taka á móti hinu helga Orði Jesú Krists. Þegar heilagur andi kom niður á hvítasunnudeginum voru postularnir gerðir að líkama Guðs á jörðu en sálir þeirra mynduðu með vígslu sinni undirstöðu kristinnar kirkju.

María guðsmóðir var viðurkenndur yfirmaður þessa samfélags ljósbera – miðpunktur í innsta hring postula, lærisveina og heilagra kvenna. Hún var sannkölluð uppspretta Krists-orkunnar sem streymdi um landið helga, Miðjarðarhafið og Litlu-Asíu, hvar sem fagnaðarerindið um Krist, ljós heimsins, var breitt út í útlöndum. Frá hjarta Maríu færðust sammiðja eldhringir – eldur heilags anda – út á við sem sívaxandi faðmur Guðs föður og Guðs-móður sem heldur öllu mannkyni innan viðja rúmfræði kærleikans.

Talið er að María hafi varið síðustu árum ævi sinnar í Jerúsalem og hafi yfirgefið borgina helgu í kringum árið 48. Samkvæmt staðbundinni munnmælahefð fór Jóhannes með Maríu til Efesus um tíma til að komast undan ofsóknum í Jerúsalem. Þegar við skoðum hin ýmsu munnmæli í kringum fráfall Maríu komumst við að því að vísbendingar taka okkur aftur til efri herbergisins þar sem síðasta kvöldmáltíðin var haldin og þar sem postularnir hittust eftir að Jesús yfirgaf hóp þeirra. Í Postulasögunni lesum við að „allir þessir (postularnir) voru með einum huga stöðugir í bæninni ásamt konunum. María, móðir Jesú, var líka með þeim og bræður hans.“

Sagt er að móðir frumkirkjunnar hafi haldið loga Guðs-móðurinnar fyrir hönd þróunar jarðarinnar á Síonfjalli í húsi með útsýni yfir borgina og musterið, Kedron-dalinn og Olíufjallið. Þar í efri herberginu, sem varð samkomustaður lærisveinanna og þar sem fyrsta kristna kirkjan var stofnuð þjónaði María Logos á síðustu dýrðarárum sínum. Það er á þessum stað sem kristnir menn standa vörð um minninguna um svefnherbergið eða þar sem blessuð móðirin „féll í svefn“.

Uppstigning hennar

Heilagur Jóhannes frá Damaskus lýsir því hvernig María steig upp úr gröf sem postularnir höfðu sett líkama hennar í eftir að hún lést í lok þessari stórkostlegu jarðvist helgaðri þjónustu og vígsluam. Þegar gröfin var opnuð þremur dögum síðar fundu þeir aðeins tólf hvítar liljur.

Eftir uppstigningu hennar var María gerð fulltrúi Heims-móðurinnar með titlinum himnadrottning fyrir hinn kristna sáttmála. Þrátt fyrir að allir uppstignir kven-meistarar haldi loganum fyrir Heims-móðurina sem fulltrúa hennar hugsum við til Maríu sem frummynd móðurhyggjunnar, móður allra mæðra.

Fram til ársins 1954 voru Jesús og María í brennidepli hins karllega og kvenlega geisla fyrir hinn sjötta sáttmála. Á þeirri stundu tóku Saint Germain og Porsja við embætti forvígismanna komandi aldar á sjöunda geisla fyrir sjöunda sáttmálann.

Boðanir Maríu

Uppstigningu Maríu er fagnað þann 15. ágúst. Frá uppstigningu hennar hefur María guðsmóðir birst um allan heim og framið mörg lækningaundur. Hún undirbjó jarðveginn fyrir þessar birtingar á seinni hluta síðustu endurfæðingar sinnar þegar hún vitjaði ýmis heimssvæði í fylgd Jóhannesar hins elskaða og fimm annarra. Þau fóru fyrst til Uppstigningarathvarfsins í Lúxor, Egyptalandi, og síðan sigldu þau á báti til eyjunnar Krítar í Miðjarðarhafi, um Gíbraltarsund, með viðkomu í Fatíma í Portúgal, Lourdes í Suður-Frakklandi, Glastonbury á Bretlandseyjum og Írlandi. Á öllum þessum stöðum jarðtengdu María og þeir sem þjónuðu með henni fimmta geislann sem er logi vísinda, lækninga og alkemískra umbreytinga (töfra) sem lagði línurnar fyrir þá sem á eftir kæmu til að magna Krists-vitundina.

Þessar vitjanir lögðu grunninn að starfi Páls postula í Grikklandi og birtingu hennar í Fátíma og Lourdes. Heilagi gralinn, bikarinn sem Jesús notaði við síðustu kvöldmáltíðina, var grafinn í brunni í Glastonbury. Hér var logi Krists rótfestur sem síðar hvatti Arthúr konung til að mynda riddara hringborðsins og taka þátt í leitinni að gralnum.

Heilagur Patrekur lagði áherslu á þrígreinda logann sem var komið fyrir á Írlandi og kenndi síðar leyndardóm þrenningarinnar með því að nota smaragðsgrænan smára til að sýna einingu föður, sonar og heilags anda. Hann er enn þjóðmerki Írlands sem táknar hinn græðandi loga og til minningar um ferð þessara sjö fulltrúa fyrir löngu hverra hollusta við geislana sjö gerði þeim kleift að ryðja brautina fyrir útbreiðslu kristninnar um alla Evrópu og að lokum á vesturhveli jarðar.

Sérstækar birtingar Maríu meyjar

Til upplýsingar um sértækar birtingar Maríu meyjar, sjá:

Mærin okkar af Guadalupe

Lourdes

Mærin okkar af Knock

Fátíma

Zeitoun

Garabandal

Medjugorje

Öld Guðs-móðurinnar

Meyja jarðkúlunnar

Vatnberaöld er tímabil tileinkað Guðs móðurinni og heilögum anda. Það er öldin þegar okkur er ætlað að upplifa og tjá móðurþátt Guðs. Að skilja þennan kvenlega þátt Guðs getur frelsað hina skapandi kvenlegu orku innra með okkur, bæði karls og konu – orku fegurðar og sköpunargáfu, innsæis og innblásturs.

Hugmyndin um Guð sem móður er ekki framandi í austurlenskum andlegum fræðum. Hindúar hugleiða Guðs-móðurina í mynd Kúndalíni-gyðjunnar og lýsa henni sem hvítu ljósi, eða hinum hringaða höggormi, sem rís frá rót mænunnar til hvirfilsins og virkjar andleg vitundarstig hverrar orkustöðvar sem ljósið fer í gegnum á uppleiðinni. Hvort sem við erum karl eða kona er okkur ætlað að vekja upp þetta helga ljós hinnar innstu verundar okkar sem liggur í dvala innra með okkur. Úrlausnin að því að leysa þessa orku, Kúndalíni, er tilbeiðsla Móður-hyggjunnar.

Uppisa Móður-ljóssins er einnig hluti vestrænnar hefðar. Í þessum tilgangi birtist María guðsmóðir nokkrum dýrlinganna með þeirri öruggu og heilbrigðu aðferð að lyfta Móður-ljósinu með Maríubæn og rósakransbæn. Dýrlingarnir hafa verið sýndir í hvítu ljósi, eða með geislabaug, um höfuðið vegna þess að þeir hafa hækkað Kúndalíni og opnað hvirfilorkustöð sína. Þeir hafa gengið inn í alsælu Guðs. Hinir miklu kristnu dulspekingar eins og heilagur Jóhannes af krossi, heilög Thérèse frá Lisieux og Padre Pió hafa öll upplifað þessa innri reynslu – svo full af guðlegu ástríki, sælu hins elskaða sem er ofar öllum skilningi.

Maríubæn

Í tilefni hins nýja tímabil hefur María guðsmóðir gefið út Maríubæn fyrir nýöldina og rósakransbæn hins nýja tíma. Þegar við förum með Maríubæn hefur María beðið okkur að staðfesta að við séum synir og dætur Guðs frekar en syndarar. Hún biður okkur líka að staðfesta sigur okkar yfir synd, sjúkdómum og dauða.

Heil sért þú María, full náðar.

Drottinn er með þér;

blessuð ert þú meðal kvenna,

og blessaður er ávöxtur lífs þíns, Jesús.

Heilaga María, guðsmóðir,

bið þú fyrir oss sonum og dætrum Guðs,

nú og á sigurstundu vorri,

yfir synd, sjúkdómum og dauða.

Áhrif þjónustu og fyrirbænar móður Maríu í gegnum aldirnar eru nánast ómetanleg. Hún hvetur okkur til að fasta og biðja og fara með rósakransbænina. María guðsmóðir hefur sagt:

Ég veiti ykkur því aðgang að orsakalíkama mínum með rósakransabæninni, að þeim Fjórtán stöðvum krossins sem ég hef náð í gegnum tíðina í langri andlegri sögu minni. Ég gef ykkur því tækifæri til að hljóta þann kraft og þann árangur sem Guð hinn mikli kennari minn hefur gefið mér. Og þar sem ég er þjónn hans sendi ég ykkur þessar bænir að þær gætu færst nær efnisheiminum og meinsemdum efnislíkama ykkar og hjarta.

Þjónusta Maríu nú á tímum

Í dag vinnur hún með meistaranum El Morya og Darjeelings-ráðinu í þjónustu þeirra við vilja Guðs fyrir hönd alls mannkyns. Hún ber bláa kápu sem beinir vilja Guðs og miklum verndarmætti hennar að upprísandi Krists-vitund hverrar sálar. Þegar guðsmóðirin er ákölluð umvefur hún alla með kápunni sem þurfa á verndun móðurástarinnar að halda. Hún aðstoðar Gabriel erkiengli við að undirbúa jarðveginn fyrir fæðingu barna í heiminn, veitir foreldrum fræðslu (á innri sviðum) og leiðbeinir náttúruanda líkamans við að móta efnislíkama barnanna.

Viðtökustöð hins helga hjarta Maríu í Upprisumusterinu er í brennidepli þrígreinda logans til að minnast boðunar Krists hinnar heilögu þrenningar. Þjónusta hennar með Saint Germain og Jesú lagði grunninn að kristindóminum í tvö þúsund ár og þjónustu fyrir komandi öld.

María segir: „Birting mín í gegnum aldirnar hefur snúist um svara bænum og flutning rósakransbænarinnar til að bjarga sálum. Milljónum hefur verið bjargað vegna þess að milljónir hafa brugðist við kalli mínu.“ Þegar hún birtist í Fátíma, Medjugorje og á öðrum stöðum í heiminum hefur Mary sagt frá hvað gæti gerst á jörðinni ef við förum ekki eftir viðvörunum hennar.

Árið 1984 sagði María:

Ég bý við Fátíma spádóminn. Ég lifi með boðskap hans. Og ég ber á dyr til dyr og á hjarta til hjarta og spyr um þá sem vilja koma og biðja með mér - biðja með fjólubláa loganum eða rósakransbæninni eða með áköllum til Mikaels erkiengils. En umfram allt, biðjið. Því að með bæn ykkar eru opnar dyr útvíkkaðar og englarnir koma stígandi niður í gegnum fortjaldið til að koma í veg fyrir hörmungar og hamfarir.

Kraftaverk hafa gerst aftur og aftur fyrir milligöngu hennar. Þegar kjarnorkusprengjunni var varpað á Híríshíma árið 1945 björguðust átta manns á undursamlegan hátt sem bjuggu átta húsaraðir frá þeim stað sem kjarnorkusprengjan sprakk. Einn þeirra, presturinn Hubert Shiffner, S.J., útskýrði: „Í því húsi var farið með rósakransbæn á hverjum degi. Við ifðum samkvæmt boðskapnum frá Fatímu.“

Þessi blessaða móðir verndar börn sín einarðlega og er opinská um meinsemdir samfélagsins:

Landið er þjakað af myrkri á skjám manna sökum uppfinningarinnar á kvikmyndinni. Landið er þjakað af myrkri yfir kirkjunum sem helgaðar eru til að heiðra nafn sonar míns. Landið er þjakað af myrkri þar sem pólitískir frambjóðendur berjast sín á milli um kórónu forgengilegs valds. ... náttúruandar hafa nýlega átt samskipti sín á milli og þeir búa sig undir að framkvæma skelfileg strandhögg eyðileggingarinnar sem er rétt hafið innan heimsskipanarinnar. Og þetta mun gerast nema kenningar Guðs rætist í hjörtum margra karla og kvenna sem eru nú algerlega helgaðar sjálfum sér án þess að skilja hinar miklu þarfir mannkyns.

Þangað til réttur skilningur á ÉG ER SÁ SEM ÉG ER verður kunngert um landið munu ríkisstjórnir falla, hagkerfi hrynja, kirkjur verða rústir einar, myrkur hylja landið, hungursneyðar sverfa að og sálir glatast.

Í mínu helga hjarta blikna ljósin á þessum degi ... til dóms yfir þeim sem hafa þráfaldlega afneitað kraftaverkum Maríu meyjar. ... Látum dóm falla á falskennara sem hafa stolið kirkjunum með hinni fölsku guðfræði sinni. ... Allir sem hafa haft afskipti af fæðingu þessara litlu barna - allir sem hafa talað fyrir fóstureyðingum frá prédikunarstólum kirknanna, ég segi ykkur að þeir munu bera nákvæmlega þjáningar þess karma sem skráð er í heilagri ritningu fyrir munn sonar míns, and it will not be withheld this day!

Hín óflekkaða ímynd

Móðir María er einn af helstu kennurum mannkynsins. Hún kennir okkur vísindi hinnar flekklausu ímyndar, hina hreinu ímynd sálarinnar sem geymd er í huga Guðs. Hin flekklausa ímynd er sérhver hrein hugsun sem hver hefur fyrir öðrum og hún er nauðsynlegur þáttur í hverri tilraun í hinni alkemísku gullgerðarlist svo að hún misheppnist ekki. Hæfnin til að hafa hugfast hið fullkomna mynstur sem á að kalla fram, sjá fyrir sér í huganum lok verkefnis, teikna hugarmynd, halda henni og fylla hana með ljósi og kærleika og gleði - þetta eru úrlausnin að vísindum sem María guðsmóðir og Saint Germain kenna.

Guð er æðsti iðkandi vísinda hinnar flekklausu ímyndar. Sama hversu langt maðurinn gæti reikað af réttri leið sér Guð manninn alltaf fyrir sér í þeirri mynd veruleikans sem hann skapaði hann í. Þessi vísindi hinnar flekklausu ímyndar stunda allir englar á himnum. Það er lögmálið sem er ritað innra með manninum sem hjarta hans þekkir en er þó dauft í minningu ytri vitundar hans. Það er byggt á sjónrænni fullkominni hugmynd sem verður síðan segull sem dregur sköpunarkrafta heilags anda til verundar mannsins til að uppfylla mynstrið sem haft er í huga.

Lilja vallarins

Athvörf

► Aðalgrein: Athvarf Rafaels og Maríu guðsmóður

► Aðalgrein: Musteri upprisunnar

Musteri Rafaels erkiengils og Maríu guðsmóður er í ljósvakaríkinu uppi yfir Fátíma í Portúgal. María guðsmóðir þjónar einnig með Jesú í Upprisumusterinu yfir landinu helga.

Maríublár litur, liturinn sem við tengjum við ást Maríu guðsmóður er næstum vatnsblár – blár með smá grænum litblæ – og í gegnum hann geislar hollusta hennar við lækningu allra sem kalla til hennar um aðstoð. Ilmurinn hennar og loga-blóm er lilja vallarins og grunntónn hennar er „Heil María“ eftir Schúbert.

Til frekari upplýsinga

Elizabeth Clare Prophet, Talað við engla, Hverning leita má til ljósengla til leiðsagnar, huggunar & lækninga (Bræðralagsútgáfan, 2022), Bræðralagsútgáfan, 2022.

Nákvæmari upplýsingar um æviskeið Maríu og þjónustu hennar á jörðinni, sjá:

Elizabeth Clare Prophet, Mary’s Message for a New Day

Elizabeth Clare Prophet, Mary’s Message of Divine Love

Heimildir

Mark L. Prophet and Elizabeth Clare Prophet, The Masters and Their Retreats, sjá “María, móðir Jesú.”

Elizabeth Clare Prophet, Mary’s Message of Divine Love, Kynning.