Cha Ara/is

Sja Ara er sonur kvenmeistarans Meta. Í síðustu jarðvist sinni bjó hann í Persíu sem sonur Metu. Í þessu lífi fullkomnaði hann líkamsfærni sína og viðhélt líkamanum í nokkur hundruð ár. Hann var fullnumi á fimmta geislanum, framleiddi lífselexírinn (kjarnadrykkur sem veitir eilíft líf) og notaði hann ekki aðeins til að viðhalda eigin líkama heldur einnig til að lækna aðra.

Sja Ara er nátengdur sigri ljóssins á meginlandi Ameríku og kom fram til að aðstoða Saint Germain við að opinbera börnum Guðs á því lífsskeiði sínu þær kenningar sem nauðsynlegar eru fyrir samvinnu við Bræðrafélagið við að koma gullöldinni á fót. Hann vinnur við að uppfylla markmið lífs síns sem verndari æsku Ameríku og heimsins, að hún gæti verið þess umkomin að ala upp börn í anda heilags Krists-sjálfs síns og koma á legg sjöunda rótarkynþættinum í Suður-Ameríku.

Sja Ara vinnur með Chananda og hinu indverska ráði Stóra hvíta bræðralagsins. Hann kallar okkur til skilnings á leyndardómum hins helga elds og vegi Saraþústra. Saint Germain talar um gleðikennd hans.

Athvörf

Sja Ara stýrir nú kennsludeild í læknisfræði og framköllun alkemískra (dulefnafræðilegra) umbreytinga í Royal Teton athvarfinu og heldur námskeið þar. Hann þjónar einnig í Persa-athvarfinu.

Heimildir

Mark L. Prophet and Elizabeth Clare Prophet, The Masters and Their Retreats, sjá “Cha Ara”.