Halastjörnur
Frá fornu fari hefur verið talið að halastjörnur séu fyrirboði atburða — oftast dauða konunga, stríða, hungursneyða, plága og annarra hamfara.
Halastjörnur með langar sporbrautir eru oft merki um mikilvæg tímamót í mannlegum málum. Stundum gefa þær til kynna upphaf stríða eða annars konar ringulreið. Áhrif halastjarna lúta reglum stjörnuspekinnar og þær eru fyrirboðar um komið sé að skuldadögum endurgjaldslögmálsins karma. Karma er gott og karma er slæmt. Karma er prófraun, eins og Satúrnus, sem táknar drottin Maitreya og eldraunina.
Tilvísanir í halastjörnu í spádómum Nostradamusar virðast vera fyrirboði hnattrænna hörmunga — stríða, hungursneyða, sjúkdóma. Þær voru skildar sem algjörlega illskeyttar. Tilfinningin um illsku kemur vegna þess að við skiljum ekki að karma snýr aftur til okkar sem lexía sem við verðum að læra á einstaklings- og á heimsvísu.
Halastjörnur og faraldrar
Á okkar tímum hafa Fred Hoyle, stjarneðlisfræðingur, og Chandra Wickramasinghe, stjörnufræðingur, haldið því fram að allir smitsjúkdómar — frá plágum til venjulegs kvefs — hafi upphaflega borist utan úr geimnum með halastjörnum og borist til jarðar með örloftsteinum.
Þeir telja að halastjarna hafi valdið inflúensufaraldrinum á árunum 1918 til 1919 sem varð 30 milljónum manna að aldurtila. Þótt vísindasamfélagið sé nánast sammála þessari fullyrðingu, bendir vísindarithöfundurinn Robert Kunzig á að „líklega sé meiri stuðningur nú en nokkru sinni fyrr við þá hugmynd að lífrænir forverar lífsins – ekki lífið sjálft heldur byggingareiningar þess, eða kannski byggingareiningar byggingareininganna – gætu hafa borist til jarðar með halastjörnum snemma í sögu reikistjörnunnar.“[1]
Vísindamenn hafa uppgötvað amínósýrur (eggjahvítuefni) byggingareiningar próteina, bæði í geimnum og í loftsteinum. Kunzig bendir á að vísindamenn séu nú sammála um að „halastjörnur innihaldi risahleðslur af lífrænu efni og að að minnsta kosti eitthvað af því efni hafi líklega orðið til í geimnum.“[2]
Stjörnufræðingar eru stöðugt að uppgötva nýjar halastjörnur. Og samkvæmt „Science News“ „þýtur sægur af smáum halastjörnum um sólkerfið og rigna yfir jörðina á ótrúlegum hraða, 10 milljónir halastjarna á ári.“[3]
Ef halastjörnur bera í raun bakteríur og veirur til jarðar og hafa valdið sjúkdómsfaröldrum, þá gæti hnignun ónæmiskerfis mannsins á næstu árum verið alvarlegri en nokkur heldur.
Halastjörnur sem góðir fyrirboðar
Ekki eru þó allar halastjörnur slæmir fyrirboðar.
Í nóvember 1572 birtist stjarna í stjörnumerkinu Kassíópíu og gerði heiminum hverft við. Hún var bjartari en Venus og sást greinilega jafnvel í dagsbirtu. Margir sem sáu hana sögðu að þessi „gestkomandi stjarna“, eins og halastjarnan var kölluð, hefði einstök líkindi við björtu stjörnuna sem leiðbeindi vitringunum – Betlehemsstjörnuna. Koma hennar vakti undrun heimsins.
En þótt stjörnufræðingar væru undrandi á uppákomu hennar, hafði hinn mikli svissneski dulspekingur og læknir Paracelsus spáð komu þessarar sérstöku stjörnu meira en öld áður og kallaði hana „fyrirboða mikilla endurbóta samfélagsins“.
„Ekkert er hulið sem ekki verður opinberað,“ sagði hann. „Halastajarnan mun tilkynna nærveru undursamlegrar veru sem enn er ekki á lífi en mun opinbera margt.“ Þessi „undursamlega vera“ yrði meistari í öllum listgreinum og myndi koma og færa mannkyninu þrjá fjársjóði, gjafir sem myndu breyta ásýnd heimsins.[4]
Þessi spádómur Paracelsusar, sem barst á fimmtándu öld og boðaði „endurnýjun samfélagsins“, kom á ólíklegum tíma, því jafnvel fram á sextándu öld vissu menn hvorki né vildu vita meira en hægt var að læra af Aristótelesi; undarlegt á hverjum tíma. Þekkingarleitin hafði nánast stöðvast. Og vísindalegar tilraunir voru nánast engar, nema í gullgerðarrannsóknarstofum dulspekinganna.
En með skyndilegri birtingu halastjörnunnar í Kassiópíu árið 1572 blómstraði Evrópa með tilkomu snillinga. Sagnfræðingurinn Alfred North Whitehead hefur í bók sinni Science and the Modern World (Vísindi og nútímaheimurinn) vísað til hugmyndaþróunar sem hófst með skyndilegri vitrænni byltingu sextándu aldar sem, að hans sögn,
... gaf af sér mótuð hugmyndakerfi sem snerta alla þætti mannlegs lífs. Þetta er eina öldin sem stöðugt, og á öllum sviðum mannlegrar starfsemi, skapaði vitsmunalega snilligáfu sem var í samræmi við stórfengleika tímabilsins. Hinn þéttsetni sviðspallur þessarar aldar endurspeglast í þeim tilviljunarkenndu samtímaatburðum sem einkenna bókmenntasögu hennar. Science and the Modern World (London: Cambridge University Press, 1953), bls. 398.</ref>
Ein af áhugaverðu „tilviljunum“ þeirrar aldar var að koma þessarar „stjörnu“, var „fyrirboði“ hinnar miklu byltingar, féll nákvæmlega saman við upphaf aldar snilldar í vísindum og bókmenntum, sem Whitehead telur greinilega að hafi verið hafin af þeim „mesta á meðal mannkynsins“, Sir Francis Bacon frá Englandi. Francis var tólf ára gamall þegar dagar halastjörnunnar runnu upp.
Einstakar halastjörnur
Halastjarna Halleys
Enski stjörnufræðingurinn og stærðfræðingurinn Edmund Halley (1656–1742) var fyrstur til að reikna út braut stóru halastjörnunnar frá 1682 – sem síðan hefur verið þekkt sem halastjarna Halleys. Hann benti á að þetta væri sama halastjarnan og hafði komið fram árið 1531 og aftur árið 1607 og spáði réttilega fyrir um endurkomu hennar árið 1758. Halastjarnan, sem fylgir mjög sporöskjulagaðri braut umhverfis sólina á 76 ára hringrásarferli, birtist árið 1910 og aftur árið 1986.
Í gegnum tímann hafa birtingar halastjörnu Halleys verið sveipaðar hjátrú og forspám, og hefur það valdið straumhvörfum í gengi stjórnmála. Þegar halastjarnan skein á himninum árið 1066 var Vilhjálmur af Normandí á góðri leið með að sigra Englendinga í orrustunni við Hastings. Elísabetu I drottningu var ráðlagt að horfa ekki á halastjörnuna en, forvitin og hugrökk eins og hún var, gerði hún það samt og hélt áfram á sigurbrautinni gegn spænska flotanum. Spánverjar hafa auðvitað aðra sýn. Landvinningamaðurinn Francisco Pizarro lagði Inka í Perú undir sig um ári eftir birtingu halastjörnunnar árið 1531. Árið 1910 markaði koma hennar dauða Játvarðs VII Englandskonungs sem og fjölda sjálfsvíga á Spáni og Ítalíu.
Gátama Búddha ræddi um fyrirboðana sem marka endurkomu halastjörnu Halleys:
Stjörnufræðingurinn með einn öflugasta sjónaukann í stjörnuathugunarstöðvum heimsins hefur varað við þróun reikistjörnunnar, nálgun halastjörnunnar og endurkomu hennar.[5] Svo að hann segir fyrir um skilaboð til ykkar sjálfra frá því sem þið hafið sent frá ykkur.
Fljúgið sem örskot til sólarinnar. Komið til Hjarta innra athvarfsins, komið að fótum Helíos. Því að eldur hans mun tendra ykkar eigið hjarta svo að það geti tekið á móti fornum skeytum [ykkar eigin karma] en samt verið kyrrlátt eins og hugur lærisveinsins, fast fyrir eins og þjálfaður einhugur.[6]
Serapis Bey ræddi einnig um endurkomu þessarar halastjörnu:
Þannig felst meginreglan í því að „standa í veginum fyrir skarðinu“ til að stöðva gusuna úr geðsviðinu inn á efnissviðið – launráð og samsæri sem myrkraöflin brugga gegn mannkyninu, myrkraverk sem forðast uppljóstranir og afhjúpanir, myrkraverk svífandi geimvera sem hafa einnig endurholdgast, myrkraverk eins og skyndilegt stríð eða efnahagserfiðleikar, sjúkdómar sem virðast spretta upp úr þurru, sem halastjarna Halleys hefur orðið fyrirboði um.
Ástkæru vinir, svo eru boðberar frá sólinni. Boðskapur sumra þeirra dæmigerast með halastjörnum. En það eru englar sem koma fram hvort sem halastjarna sést á himni eða ekki. Slíkur engill er Gabríel fjórða geislans, engill boðunarinnar. Til hans bið ég ykkur að ákalla svo að þið megið fá innsýn frá hjarta hans fyrir því sem fyrirbúið er niðurbrotsöflin spúi skyndilega út úr geðsviðinu[7] sem markar endurkomu plánetukarma.[8]
Halastjarnan IRAS-Araki-Alcock
Halastjarnan IRAS-Araki-Alcock fór fram hjá jörðinni innan við 4.8 milljón kílómetra fjarlægð í vikunni 8. til 15. maí 1983, sem gerir hana að næst nálægustu halastjörnu sem hefur farið inn í sólkerfið í skráðri sögu. (Sú næsta, halastjarnan Lexell, fór fram hjá jörðinni innan við 2.4 milljón kílómetra fjarlægð árið 1770.) IRAS ferðast á um 187.680 km hraða á klukkustund og er talið að hún sé úr frosnu ryki og lofttegundum og eigi uppruna sinn í djúpfrysti geimsins handan brautar Plútós.
Jesús ræddi um þessa halastjörnu:
Ég segi ykkur að tákn komu minnar á þessari stundu hefur einnig verið mörkuð með tákni komu þeirrar halastjörnu sem er nálægt jörðinni og næst í þessari sömu viku. Uppruni þeirrar halastjörnu er fjarlæg vetrarbraut, og úr þessari fjarlægu vetrarbraut kom hinn illi sem átti að vera freistari sálar hennar [boðberans]. Og hinir föllnu í þeirri vetrarbraut og öðrum vetrarbrautum, sem einnig hafa sent afkomendur höggormsins til jarðar til að freista allra ljósberanna, hafa stillt sig upp gegn komu Ljóssins í boðberanum og í ykkur öllum — þar sem andstaða þeirra við komu mína hefur verið sannarlega mikil ...
Og tákn halastjörnunnar er tákn andstöðunnar við komu mína. Því þessi halastjarna hefur borið með sér mikil myrkraverk hinna föllnu frá þeirri vetrarbraut sem þeir hafa leitast við að senda til jarðar og koma fyrir á geðsviðinu í gegnum hana, til myrkra einstaklinga, og færa nýja hvöt og nýjan uppsafnaðan skriðþunga myrkurs lygarans og lyga hans og morðingjans og morðásetnings hans.
Þannig reyna hinir föllnu, með eldi og ís, að varpa fram uppsöfnuðum krafti andkrists sem lokatilraun til að rífa niður boðbera hins Stóra hvíta bræðralagsins og hvers einasta ykkar sem eruð vígð til að vera postuli eftir köllun hjarta míns, jafnvel á leið hins ástkæra Páls postula.[9]
Halastjarnan Hale-Bopp
Halastjarnan Hale-Bopp sást fyrst árið 1995 og náði sólanánd sinni 1. apríl 1997. Hún var ein bjartasta halastjarna sem hafði sést í áratugi og sást berum augum í átján mánuði sem er mettími, tvöfalt lengri en fyrri halastjarnan, Halastjarnan mikla árið 1811.[10]
Varðandi þessa halastjörnu útskýrði El Morya:
Halastjarnan Hale-Bopp heldur áfram að smjúga í gegnum geimbylgjurnar og varpa frá sér farmi sínum ... sem skapar öldugang sem flýtir fyrir losun neikvæðra ummerkja sem hann lætur eftir sig í lofthjúpi jarðar.
El Morya bað nemana að ákalla hinn máttuga Kosmós til að leysa úr læðingi hina leyndu geisla sína til að eyða niðurbrjótandi geislum halastjörnunnar áður en þeir gætu sest að umhverfis jörðina.
Hinn 27. mars 1997 sögðu erkienglarnir Úríel og Áróra:
Við köllum á ykkur að ákalla Astrea til að umlykja endurkomu karmans sem kemur í gegnum halastjörnuna Hale-Bopp. Ástkæru vinir, þetta er endurkoma karma mannkynsins sem vitjar aftur og aftur þjóðir jarðarinnar og plánetunnar. Nú er kominn tími til allsherjar umbreytingar.
Saint Germain sagði:
Orrustan við Harmageddon er í fullum gangi og halastjarnan Hale-Bopp er tákn þess Harmageddons. Hale-Bopp varpar heimskarma á hvert rykkorn og ber niður karma síðustu 25.800 ára. Það er táknið, kæru vinir. Þess vegna, aukið skriðþunga möntrufyrmæla hins fjólubláa loga ykkar og kallið á uppstigna meistara fyrsta geislans, þar á meðal elóhímana, erkienglana og chohan-meistarana. Ákallið guðinn Surya, Herkúles og Amasoníu og alla þá sem standa fyrir sigri jarðarþróunarinnar.[11]
Halastjarnan Kóhútek
► Aðalgrein: Kohoutek
Halastjarnan Kohoutek, sem kölluð er „halastjarna aldarinnar“, var fyrst uppgötvuð 7. mars 1973 af stjörnufræðingnum Lúbos Kóhútek við stjörnuathugunarstöðina í Hamborg í Vestur-Þýskalandi. Undir lok nóvembers mátti greina bjart höfuð halastjörnunnar óljóst með berum augum; halar hennar, sem teygðu sig yfir fjörutíu og átta milljónir kílómetra, mátti sjá um miðjan desember á norðurhveli jarðar. Við mestu sólarnánd hennar (þeim stað á braut hennar sem er næst sólinni okkar), 28. desember 1973, var halastjarnan ekki lengur sjáanleg frá yfirborði jarðar heldur birtist hún sem bjartur massi ofan á sólkórónu á ljósmynd sem tekin var úr gervihnetti. Næsta birtingarmynd halastjörnunnar Kóhútek er væntanleg eftir um 75.000 ár.
Þann 30. júní 1973 sagði elóhíminn Hreinleiki um halastjörnuna Kóhútek:
Og því er ég kominn, og því hef ég tilkynnt ykkur á þessari öld fyrir hönd elóhíma fjórða geislans — um hreinsunarátak sem hefst í dag. Það er magnaður og ... heillavænlegur atburður í sölum Meginsólarinnar miklu, og voldugir sendiboðar ljóssins láta til sín taka með hreinsuninni miklu. Og hin volduga halastjarna sem mun birtast á himninum áður en sex mánuðir eru liðnir er birtingarmynd sendiboða hinnar kosmísku hreinsunar sem koma reglulega fram frá hjarta Alfa og Ómega sem sendiboðar ljóssins til að heilsa þeim tvíburalogum sem bera ljósið fyrir hönd þróunarinnar.[12]
Ónefnd halastjarna
Sanat Kumara ræddi um halastjörnu sem fór í gegnum sólkerfið í október 1962:
Ljóshalastjarna hefur farið í gegnum sólkerfið í dag, svo hratt að var var ofar venjulegs skilnings stjörnufræðinganna. Hali hennar samanstóð af fallegum rauðgulum ljóma, og ljómi þessarar ljóshalastjörnu var hin leynda ástarstjarna frá Meginsólinni miklu. Hún dró á eftir sér hin stóru dýrðarský sín um allan sólarvettvanginn og færði okkur öllum blessun sem barst um sólbrautirnar og smeygð sér inn í kjarna hverrar öreindar sem og risasólanna í þessum heimskerfum. Ég nefni það í framhjáhlaupi, án þess að búast við að ytri hugur ykkar skilji það, heldur til að sýna fram á og gefa manninum til kynna að merki alheimsvíddanna er stöðugt að stækka. Með krafti sólarlogans er guðdómlegur ásetningur og ljómi að verða augljós.[13]
Sjá einnig
Heimildir
Elizabeth Clare Prophet, “Prophecy for the 1990s” III, Pearls of Wisdom, 33. bindi, nr. 9, 4. mars 1990.
Elizabeth Clare Prophet, 10. október 1983.
Elizabeth Clare Prophet, 16. nóvember 1985.
Elizabeth Clare Prophet, 4. júlí 1996.
Pearls of Wisdom, 37. bindi, nr. 23, 17. júní 1984.
Pearls of Wisdom, 37. bindi, nr. 43, 23. október 1983.
Pearls of Wisdom, 35. bindi, nr. 42, 5. október 1992.
- ↑ Robert Kunzig, „Stardust Memories: Kiss of Life“ ("Minningar um stjörnuryk: Koss lífsins"), Discover, mars 1988, bls. 68.
- ↑ Sama heimild, bls. 74.
- ↑ „Comet Controversy Caught on Fire" ("Deila um halastjörnur í deiglunni“), „Science News“, 28. maí 1988, bls. 340.
- ↑ Frú Henry Pott, „Francis Bacon and His Secret Society“ (Francis Bacon og leynifélag hans) (Kessinger Publishing’s Rare Mystical Reprints), bls. 230–31.
- ↑ Hinn 16. október 1982 sáu kalifornísku stjörnufræðingarnir D. C. Jewitt og G. E. Danielson fyrstu myndirnar af endurkomu halastjörnunnar með Palomar 200 tommu sjónaukanum — þeim næststærsta í heiminum.
- ↑ Gautama Buddha, „Devotions to the one God“ ("Hollusta við hinn eina Guð"), Pearls of Wisdom, 27. bindi, nr. 33, 17. júní 1984.
- ↑ 1. Þess 5:3.
- ↑ Serapis Bey, “The Descent of the Mighty Blue Sphere” („Niðurkoma hins volduga bláa hvels“), Pearls of Wisdom, 29. bindi, nr. 15, 13. apríl 1986.
- ↑ Jesús Kristur, „The Second Advent,“ Pearls of Wisdom, 26. bindi, nr. 43, 23. október 1983.
- ↑ Almennt var talið að Halastjarnan mikla þetta ár hefði boðað innrás Napóleons í Rússland og stríðið 1812 svo eitthvað sé nefnt.
- ↑ Saint Germain, „Put in Good Word for Me!“ ("Leggðu gott orð í mín garð"), Pearls of Wisdom, 40. bindi, nr. 31, 3. ágúst 1997.
- ↑ The Elohim of Purity, “The Restoration of Mankind to the Original State of Pristine Purity” („Endurreisn mannkynsins til upprunalegs ástands óspillts hreinleika“), Pearls of Wisdom, 16. bindi, nr. 44, 4. nóvember 1973.
- ↑ Mark L. Prophet and Elizabeth Clare Prophet, Morya I, kafli 20.