Samfélag heilagra

Síðasta kvöldmáltíðin, Leonardo da Vinci

Náðarmeðal (sakramenti) samfélags heilagra stofnaði Jesús við síðustu kvöldmáltíðina þar sem Kristur og postular hans héldu hátíð hinna ósýrðu brauða, eða páska.

Mósaík sem sýnir Melkísedek færa Abraham brauð og vín

Upphaf

Blessun brauðsins og vínsins er forn gyðingahefð þar sem minnst er hvíldardagsins og annarra helgra daga. Það er helgisiður sem má rekja jafnvel til Melkísedeks sem „færði fram brauð og vín“ þegar hann blessaði Abraham. Á föstudagskvöldum, upphafi hvíldardags Gyðinga, er hátíðleg blessun fyrst kveðin yfir víninu og síðan yfir tveimur brauðum, sem tákna tvöfaldan skammt manna sem féll í eyðimörkinni á sjötta degi.

Við síðustu kvöldmáltíðina, Jesús

" ... tók hann brauð, gjörði þakkir, braut það og sagði: Þetta er minn líkami, sem er fyrir yður. Gjörið þetta í mína minningu. Sömuleiðis tók hann og bikarinn eftir kvöldmáltíðina og sagði: Þessi bikar er hinn nýi sáttmáli í mínu blóði. Gjörið þetta, svo oft sem þér drekkið, í mína minningu."

Eins og skráð er í Jóhannesarguðspjalli 6. kafla, hafði Jesús einnig áður áminnt:

Sannlega, sannlega segi ég yður: Sá sem trúir á mig hefur eilíft líf. Ég er þetta brauð lífsins. Feður ykkar átu manna í eyðimörkinni og eru dánir. Þetta er brauðið, sem kemur niður af himni, til þess að maður eti af því og deyi ekki. Ég er hið lifandi brauð, sem er stigið niður af himni. Ef einhver etur af þessu brauði, mun hann lifa að eilífu, og brauðið, sem ég mun gefa, er hold mitt, sem ég mun gefa heiminum til lífs ... Nema þér etið hold Mannssonarins og drekkið blóð hans, hafið þér ekkert líf í yður. Hver sem etur hold mitt og drekkur blóð mitt, hefur eilíft líf ...

Andleg þýðing

Bókstaflega tekið veldur þessi fullyrðing uppnámi. En andlega séð skiljum við tilgang hins raunverulega meistarakennara eða gúrús. Hann felur í sér anda-efni, Alfa-Ómega. Hann er jafnvægi kosmískra krafta. Og við síðustu máltíðina með lærisveinum sínum, eða chela-nemum, er hann að koma á samfélagsathöfn sem hann mun nota næstu tvö þúsund árin til að færa líkama sinn og blóð þeim sem eru fúsir til að taka þátt í veru hans.

Blóð hans er kjarni anda hans eða Alfa-umskautun. Líkami hans er kjarni efnis hans eða Ómega-umskautun. Hann hefur hið fullkomna jafnvægi þessarar alheimsvitundar varðandi karllæga-kvenlæga orku alheimsins í musteri sínu. Þetta er helgur eldur, of kraftmikil orka til að við getum meðtekið hana í heilu lagi því musteri okkar er úr jafnvægi. Þetta er afleiðing karma, ójafnvægis karllægrar-kvenlægrar orku innra með okkur þannig að ef við næðum skyndilega fullum áhrifum þessarar Krists-vitundar gætum við ekki umborið hana.

Þannig að hinn mikli kennari, hinn mikli frelsari á okkar eigin vegum, færir okkur í smáskömmtum eða, eins og sagt er, blessun eftir blessun, eða vígslu eftir vígslu, kraftinn sem hann hefur náð, ljósi hans. Hann kom til jarðar til að við yrðum hann sjálfur.

Samvera við hina uppstignu meistara

Að taka þátt í samfélagi heilagra, (í hvaða kristinni kirkju sem er), er meðtekning okkar á sonargjöf Guðs og skuldbinding okkar um að yfirgefa ekki lengur hús föðurins og sonarins. Í hvert sinn sem við fögnum líkama Drottins og blóði hans verðum við að fara frá altarinu og vitna um anda hans með orðum okkar og verkum. Í hvert sinn sem við meðtökum brauðið og vínið, og trúum því að svo sé, með umbreytingu líkama og blóði Krists, dreypum við á loga Krists-verundar okkar smám saman, dropa fyrir dropa, skref fyrir skref.

„Hold og blóð“ Alheims-Krists er kjarni anda hans og orðs hans sem Verðir logans fagna sem „hafa vitnisburð Jesú“ í samfélagi Drottins í gegnum fyrirmæli Jesú og þjónasonanna á himnum, hinna uppstignu meistara. Bikarinn okkar er boðberinn, vínið okkar er vígsluathöfn ljóssins sem úthellt er af heilögum anda, brauð okkar er hið lifandi orð. „ÉG ER Alfa og Ómega, upphafið og endirinn“ er mantra hins sanna dulhyggjumanns um samfélag [heilagra] þegar hann neytir líkama (Ómega) og blóðs (Alfa) Drottins síns.

Sjá einnig

Breyting brauðsins og vínsins í líkama og blóð Krists

Heimildir

Pearls of Wisdom, 28. bindi, nr. 28.

Elizabeth Clare Prophet, 27. október 1978.

Elizabeth Clare Prophet, The Astrology of the Four Horsemen, 28. kafli.