Violet flame/is

 
Hluti af greinasafni um Vísindi hins
talaða Orðs

---

   Megingreinar    Hið talaða Orð

---

   Ýmsar gerðir hins talaða Orðs    Staðfesting Ákall Söngl Möntrufyrirmæli Tilskipun Bænaávarp Mantra Bæn

---

   Austrænir hættir    AUM Bhajan Bija mantra Gullna mantran Om mani padme hum

---

   Vestrænir hættir    Heil sé þér María Rósakransbæn

---

   Sérstakir helgisiðir    Ljóshringur Maríu guðsmóður Fjórtán rósakransbænir Rósakransbæn Mikaels erkiengils Helgihald uppstigningarlogans Kristal rósakransbæn Kuan Yins

---

   Skyld efnisatriði    Fjólublái loginn Möntrufyrirmæli fjólubláa logans Jafnvægi á milli fjólublárra og blárra möntrufyrirmæla Pranayama Öndunaræfingar Djwal Kúls  

Sjöundi geislaþáttur heilags anda. Hinn helgi eldur sem umbreytir orsök, afleiðingu, skráningu og minningu syndarinnar, eða hins neikvæða karma. Einnig kallaður logi umbreytingar, frelsis og fyrirgefningar.

Notagildi

Fjólublái loginn er meira en fjólublátt ljós. Hann er ósýnileg andleg orka sem er fjólublár fyrir sjónum þeirra sem hafa þróað andlega sýn sína. Á fyrri öldum var þekking á fjólubláa loganum aðeins gefin fáum útvöldum sem höfðu reynst verðugir. Dýrlingar og fullnumar í austri og vestri hafa lengi notað fjólubláa logann til að flýta fyrir andlegum þroska sínum en þessi eitt sinn leynda þekking var ekki opinberuð fjöldanum fyrr en á tuttugustu öld.

Fjólublái loginn kemur að margs konar notum. Hann upplífgar okkur og endurnærir. Hann getur læknað geðræn og jafnvel líkamleg vandamál, bætt sambönd og gert lífið léttara. Meira um vert, fjólublái loginn breytir neikvæðri orku í jákvæða sem gerir hann að áhrifaríku tæki til lækninga. Nú á tímum lærum við meira en nokkru sinni fyrr um hvernig sjúkdómar geta átt rætur í sálrænu og andlegu ástandi okkar. Með því að umbreyta neikvæðum hugsunum og tilfinningum veitir fjólublái logi vettvang fyrir lækningu okkar.

Saint Germain

Fjólublái loginn er gjöf heilags anda sem veitist okkar með stuðningi Saint Germains, drottins sjöunda geislans og æðstaprests vatnsberaaldarinnar. Fjólublái loginn virkar í hinu smæsta sem hinu stærsta og er úrlausninn að umbreytingum á einstaklings- og heimsuvísu. Fjólublái loginn getur breytt, mildað eða snúið algjörlega við spádómum.

Þegar við áköllum fjólubláa logann í nafni hinnar voldugu ÉG ER-nærveru okkar og heilags Krists-sjálfs í gegnum hjarta Jesú Krists og Saint Germains, beina englar sjöunda geislans honum að þynglsum, ósamlyndi og uppsöfnuðu neikvæðu karma.

Sáttmáli og ívilnun fjólubláa logans

El Morya útskýrir hvernig sáttmáli fjólubláa logans var færður heiminum:

„Nú á dögum álítur mannkynið að skráð saga sé meitluð í stein og því verði ekki breytt. Það hefur ekki hugmynd um umbreytingarmátt fjólubláa logans.

Loginn er orka hins helga elds sem er gjöf uppstigna meistarans Saint Germains til chela-nema og þeirra sem fylgja vilja Guðs á núverandi tímaskeiði. Drottnar Karmaráðsins gáfu sérstaka ívilnun eða sáttmála sem veitir mannkyninu endurlausn með fjólubláa loganum. Hún stendur chela-nemum á vatnsberaöld til boða vegna þess að Saint Germain kom fyrir Karmaráðið og lagði fram þessa beiðni í þágu mannkynsins fyrir málstað frelsisins. Hann bauð drottnum Karmaráðsins kraft fjólubláa logans til ráðstöfunar sem hann hafði safnað í hjarta sínu og orsakalíkamanun. Mannkynið getur fært sér það í nyt til alkemískra sjálfsumbreytinga með tilraunum á hinum helga eldi.

Fjólublái loginn hefur ávallt verið notaður í athvörfum uppstignu meistara Stóra hvíta bræðralagsins á ljósvakasviðinu (etheric plane) á hæsta og fíngerðasta efnissviðinu. Þar taka þeir aðeins við verðugustu chela-nemunum í ljósvakalíkama sínum til leiðbeiningar og þjálfunar og öðlast þeir jafnframt þekkingu á fjólubláa loganum. Á meðal þeirra má finna átrúendur allra trúarbragða, félaga í leynireglum, vígsluþega hins helga elds í launhelgiskólum og alla þá sem hafa sýnt sig vera ósíngjarna viðtakendur og veitendur frelsisins á hinum andlega vegi til frelsunar sálarinnar.

Þannig hafði fjólublái loginn verið forréttindi hinna fáu útvöldu fram að þeim tíma sem Saint Germain kom fyrir drottna Karmaráðsins með tilboð um að gera þekkingu og notkun fjólubláa logans aðgengilegan öllu mannkyninu. Hann lýsti því hugdjarfur yfir frammi fyrir rétti hins helga elds, sem talsmaður jarðarþróunarinnar, að fjólublái loginn myndi valda straumhvörfum hjá mannkyninu og gera það að guðlegum kynstofni frjálsborinna manna.

Saint Germain sá sannlega fyrir sér „ÉG ER kynþátt“ sem væri ræktaður til að verða fyrirrennari hins sjöunda kynþáttar í forsvari hins Mikla guðlega stjórnanda. Þessi blessaði frelsismeistari sem hafði gerst málsvari fyrir þjóð sem nefnist Bandaríkin – þessi gæslumaður Krists vitundarinnar sem hafði verið uppi sem verndari Maríu guðsmóður og Jesú Krists, hinn heilagi Jósef, þessi Sámur frændi Saint Germain endurfæddist sem Jósef, sá fyrir sér að meginland Ameríku frá norðri til suðurs, og að endingu allt hálfhvelið, yrði fyrirheitna landið og griðland fyrir guðlegu móðurina og afkomendur hennar.

Þar sem átti fyrir honum að liggja að verða meistari vatnsberaaldarinnar og frelsisguð jarðarinnar, þá samþykktu Karmadrottnarnir meistaralega ráðagerð hans en þó með eftirfarandi skilmálum: Fyrst myndu þeir leysa út fjólubláa logann til útvalinna tilbiðjenda í jarðlífinu sem hétu því á innri sviðum að nota þennan loga sómasamlega til blessunar og frelsunar öllu lífi. Ef þessi tilraun heppnaðist, þá myndu þeir gefa leyfi til þess að þekkingin á loganum yrði gerð almenn.

Vísindi fjólubláa logans

El Morya útskýrir hvernng fjólublái loginn virkar:

Nú skulum við kanna hvað gerist þegar sérstöðu fjólubláa eldsins er beitt á hið þvermóðskufulla ástand mannshugans. Þegar þið, að eigin vild, farið með ákallið til fjólubláa logans og kastið í eldinn óæskilegu og óviðeigandi ástandi og kringumstæðum, fer eldurinn samstundis að brjóta niður efnisagnir sem eru hluti uppsafnaðrar byrðar hundraða og jafnvel þúsunda æviskeiða þar sem þið í fásinnu ykkar leyfðuð öllum þeim lítilsvirðandi aðstæðum sem mannkynið hefur tekið í arf að setja mark sitt á vitund ykkar, hugsanir og tilfinningar, orð og athafnir.

Ég treysti því að ég þurfi ekki að telja upp þá eiginleika, sem virðast óendanlegir en eru fullkomlega endasleppir og takmarkaðir, sem þröngvað er inn á ljósvakaefnið – skeyti af holdsins hyggju – sem hafa fyllt hin galopnu bil á milli rafeindanna og kjarna frumeindarinnar með þykkildum af holdhyggju mannkynsins. Hvort sem þið trúið því eða ekki, þá getur þessi orkumassi verið eins harður og steinsteypa eða eins klísturkenndur og sykurleðja þegar þessi óskapnaður þrykkist inn í alla fjóra lægri líkamana sem veldur sálrænni stífni, harðlyndi hjartans og skorti á næmleika fyrir tilfinningum annarra. Það myndast þykkildi sem kemur í veg fyrir að sálin sé móttækileg fyrir fíngerðum boðum heilags anda.

Svo þykkur er þessi mennski veggur, þar sem hver lagfelling hefur hlaðist ofan á aðra sökum misnotkunar hins helga elds, að mannkynið ber jafnvel ekki skynbragð á hina uppstignu meistara sem frelsara sína né er það fært um að tengjast hinu blessaða Krists-sjálfi sínu, þess eigin milligöngumanns til fullkomnunar sem gæti staðfest veruleika uppstignu meistaranna.

Þegar fjólublái loginn er kallaður fram leysir hann upp þykkildið sem umbreytist úr myrkri í ljós. Þar sem hið mennska ástand er afbökun á hinu guðlega ástandi, lag fyrir lag, mælistika fyrir mælistiku, þá breytist hið mennska ástand í guðlegt ástand og orka sem var bundin í viðjar dauðleikans losnar úr læðingi og tengist ódauðleikanum. Og í hvert skipti sem tiltekinn hluti orkunnar leysist upp, stígur tiltekinn hluti mannsins upp á svið guðlegrar vitundar.

Þegar þið farið að nota fjólubláa logann munuð þið upplifa gleðitilfinningu, léttleika, von og endurvakningu til lífsins eins og þunglyndisský hafi dregið frá sólu ykkar eigin verundar. Þjökun og áþján hinnar myrku, saggafullu orku sem fjötrar manninn bráðnar bókstaflega fyrir hinu funheita frelsi fjólubláa eldsins.

Efnislogi

Saint Germain segir:

Fjólublái loginn er efnislegur logi! Og hvað meina ég með því? Ég á við að fjólublái loginn stendur næst efnissviði jarðarinnar í sveiflutíðni og bylgjuhreyfingu allra geisla, efnafræðilegra þátta og efnasambanda, öllu því sem þið greinið í efninu. Þess vegna getur fjólublái loginn gengið í efnasamband við sérhverja sameind eða sameindagerð, við hverja öreind þekkta sem óþekkta og við hverja ljósbylgju eða ljóseind, rafeind eða rafmagn.

Þannig er fjólublái loginn æðsta mótefni gegn matareitrun, efnisúrgangi, eiturefnum, eiturverkun eiturlyfja á líkamann. Fjólublái loginn er töfradrykkur sem þið teigið í ykkur eins og vatn, eins og hreinasta ávaxtasafa úr uppskeru náttúruvættanna. Fjólublái loginn er æðsta mótefni við líkamlegum vandamálum. Hvar sem chela-nemar eru samankomnir til að gefa fjólubláa loganum skil, þar verðið þið samstundis vör við heilsufarslegan ávinning! Og þannig sjáið þið illgresið sáð meðal hveitisins sem hefur leitt til Harmageddons (dómsdags) á efnissviðinu, jafnvel inni á ykkar eigin heimilum og í samskiptum ykkar við fólk.

Það er æðsta prófsteinninn á því að reisa þann alabastur pýramída í efnislegri áttund, prófsteinninn við að byggja musteri mannsins þegar öll hindrun á sér stað við hrörnun, sjálfa molnun efnisins. Hvort sem í hlut á lífrænt eða ólífrænt efni þá er að verki niðurbrotsferli í byggingum, á landi, í sjó og í líkamanum sem best er hægt að vinna gegn með fjólubláa loganum.

Fjólublái snýst um snúning rafeinda og frumeinda. Hann snýst um niðurrifsferli orkustöðvanna og orkunnar. Hann er að eilífu umsnúningskraftur - og umsnúningur merkir "að snúa við"! Fjólublái loginn er fögnuður heilags anda sem snýst í kringum anda, huga, sálir og tilfinningar!

Sjá einnig

Kort af guðlega sjálfinu

Úthlutun Omri-Tas á fjólubláa logans

Saint Germain

Til frekari upplýsinga

Elizabeth Clare Prophet, Violet Flame to Heal Body, Mind and Soul.

Mark L. Prophet og Elizabeth Clare Prophet, Vísindi hins talaða Orðs, Bræðralagsútgáfan.

Heimildir

Kuthumi and Djwal Kul, The Human Aura: How to Activate and Energize Your Aura and Chakras.

Elizabeth Clare Prophet, Kabbalah: Key to Your Inner Power.